القابيلەر سوتى ءوزىنىڭ جيەنى مەن قارىنداسىنا ازعىندىق ارەكەتتەردى جاساعان ازاماتقا قاتىستى ۇكىم شىعاردى، ― دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتىنە سىلتەمە جاساي وتىرىپ. 

ايتا كەتەتىن بولساق،وقيعا 2017 جىلدىڭ ماۋسىم ايىندا بولعان ەدى. ەر ادام ءوز ۇيىندە 7 جاسار جيەنى مەن 13 جاستاعى قارىنداسىن قورقىتىپ شەشىندىرىپ، سەكسۋالدىق سيپاتتاعى ىس-ارەكەتتەردى جاساپتى.  

«سوتتا 2017 جىلدىڭ ماۋسىمى ايىندا سوتتالۋشىنىڭ ۇيىندە جاسى كامەلەتكە تولماعاندار - جيەنى (2012 ج.ت.) ف.ا. جانە قارىنداسى (2004 ج.ت.) م.ا.-نىڭ جالعىز وزدەرى قالعانىن پايدالانىپ، ولاردى قورقىتىپ، شەشىندىرىپ جانە ءوزى دە شەشىنىپ، سوڭعىلارىنا قاتىستى سەكسۋالدىق سيپاتتاعى ارەكەتتەردى جاساعانىن انىقتالعان. كەنەت قىزداردىڭ ايعايلاپ، جىلاي باستاعانىن ەستىگەن اكەسى ۇيىنە جۇگىرىپ كىرگەن. اتالعان قىلمىستىق ءىستى قاراۋ بارىسىندا القابيلەر القاسى سوتتالۋشى ا.ر.-دى جاسى كامەلەتكە تولماعاندارعا قاتىستى سەكسۋالدىق سيپاتتاعى  زورلىق-زومبىلىق ارەكەتتەر جاساعانى ءۇشىن كىنالى دەپ تانۋ تۋرالى كەسىم ەتتى»، ― دەلىنگەن حابارلامادا. 

اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمى بويىنشا، ا.ر. قازاقستان رەسپۋبليكاسىنىڭ قك-نىڭ  124-بابىنىڭ 1-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، ونىڭ جاسى كامەلەتكە تولماعاندارمەن جۇمىس جاساۋعا بايلانىستى پەداگوگيكالىق جانە وزگە دە لاۋازىمداردى اتقارۋ قۇقىعىنان ءومىر بويىنا ايىرۋمەن، 10 جىل مەرزىمگە باس بوستاندىعىنان ايىرۋ جازاسى تاعايىندالدى. سوت ۇكىمى زاڭدى كۇشىنە ەنگەن جوق.