ساۋد ارابيا مەملەكەتىنىڭ ايەلدەرى وسى اپتانىڭ سەيسەنبىسىندە كولىك جۇرگىزۋگە زاڭدى تۇردە رۇقسات الدى،- دەپ حابارلايدى Qamshy.kz اقپارات اگەنتتىگى. بۇل اراب ايەلدەرى ءۇشىن وتە جاعىمدى جاڭالىق، سەبەبى ونىڭ الدىندا تالاي رەت وسى ماسەلە جونىندە داۋ شىعىپ، بىرەر ايەل ءتىپتى قاماۋعا الىنعان بولاتىن.

بۇل تۋرالى تولىق ۇسىنىستار 30 كۇن ىشىندە قابىلدانادى، ال ۇكىمەت 2018 جىلدىڭ 24 ماۋسىمىنا دەيىن ايەلدەرگە كولىك جۇرگىزۋگە تىيىم سالۋدى الىپ تاستادى.

تۇبەگەيلى وزگەرىس الىپ كەلگەن بۇل قادام ساۋد ارابياسىنىڭ ەكونوميكاسىن قالپىنا كەلتىرۋگە باعىتتالعان. بۇل ۇسىنىس جاس حانزادا موحاممەد بين سالماننىڭ قولداۋىن تاپتى.

ونىڭ «كوزقاراس-2030» رەفورماسى باعدارلاماسىنىڭ باستى ماقساتى كەلەسى ونجىلدىقتا پاتشالىقتىڭ ەنەرگياعا تاۋەلدىلىگىن توقتاتۋ. بۇل ەكونوميكانى ەداۋىر ءارتاراپتاندىرۋدى، ونىڭ ىشىندە ايەلدەردى الدەقايدا ۇلكەن ءرول اتقارۋدى تالاپ ەتەدى.

جۇمىس كۇشىنە ايەلدەردىڭ تەك 22%-ى عانا تارتىلعان. «كوزقاراس -2030» باعدارلاماسىنىڭ ماقساتى بۇل كورسەتكىشتى 30% -عا كوتەرۋگە باعىتتالعان. ال ايەلدەردىڭ جۇمىسسىزدىق دەڭگەيى 33% -عا تەڭ، ورايىنشا بۇل كورسەتكىش ەرلەردىكىنە قاراعاندا الدەقايدا جوعارى.

قازىرگى تاڭدا ساۋد ارابياسىنداعى جۇمىسسىزدىق 12،7%-دى قۇرايدى.