مەكتەپ مۇعالىمدەرىنە اتا-انالار بەرگەن سىيلىق 2 ايلىق ەسەپتىك كورسەتكىشتەن اساتىن بولسا، قىلمىستىق ءىس قوزعالادى. بۇل تۋرالى «نۇر وتان» پارتياسى الماتى قالالىق فيليالىندا وتكەن بريفينگتە ايتىلدى، دەپ جازادى Qamshy.kz اقپارات اگەنتتىگى.

مەكتەپتىڭ جوندەۋ جۇمىستارىنا، تازالىققا قاجەتتى زاتتار مەن كانسەليارلىق تاۋارلارعا، كىتاپ قۇرالدارىنا مەملەكەت تاراپىنان ءتيىستى قاراجات قاراستىرىلعان. سوندىقتان اتا-انالاردان اقشا جيناۋعا ەشقانداي نەگىز جوق. ماماندار وسىلاي دەدى.

سونداي-اق وقۋشىلاردى قالاداعى مادەني شارالارعا ماجبۇرلەپ اپارۋعا دا تىيىم سالىنعان. ال مەكتەپتە اقشا جيناۋدىڭ باستى قۇرالىنا اينالعان اتا-انالار كوميتەتىنىڭ مىندەتى ءقازىر قايتا قارالىپ جاتىر. ءبىلىم باسقارماسىنىڭ مالىمەتىنشە، وتكەن جىلدارمەن سالىستىرعاندا سالاداعى جەمقورلىق 2-3 ەسەگە ازايعان. سىبايلاس جەمقورلىققا قارسى ءىس-قيمىل ۇلتتىق بيۋرودا بيىل مەكتەپتەگى پاراقورلىققا قاتىستى 1 عانا دەرەك تىركەلىپتى.

الماتى  قالالىق ءبىلىم باسقارماسى باسشىسىنىڭ ورىنباسارى ءلاززات جىلقىبايەۆانىڭ ايتۋىنشا،  مەكتەپ قابىرعاسىندا قارجى جيناۋ ماسەلەسى قاتاڭ تىيىم سالىنعان. سوندىقتان ءبىز اتا-انالارعا، ۇستازدار قاۋىمىنا ارنالعان اقشا جيناۋعا تىيىم سالۋ تۋرالى حات اتا-انالارعا كورسەتىلگەن جەردە قابىرعادا ءىلۋلى تۇر.