ەكسپو كورمەسى وتكەن ءۇش ايدا ەلوردانىڭ ساۋدا ورتالىقتارى مەن مەن ويىن-ساۋىق ورتالىقتارىنا كەلۋشىلەر سانى ارتىپ، تاۋلىگىنە 70 مىڭ ادامعا جەتتى، دەپ حابارلايدى Qamshy.kz اقپارات اگەنتتىگى.  بۇل تۋرالى استانا قالاسىنىڭ كاسىپكەرلىك جانە ونەركاسىپ باسقارماسىنىڭ باستىعى رىسگۇل قاۋعابيەۆا مالىمدەدى.

«ساۋدا ويىن-ساۋىق ورتالىقتارىنا (سوسو) كەلۋشىلەر سانى بۇرناعى جىلمەن سالىستىرعاندا ەكى ەسەگە ارتتى. ماسەلەن، وتكەن جىلداردىڭ وسى كەزەڭىندە ءبىر كۇندە 33 مىڭعا جۋىق ادام كەلسە، بيىل بۇل كورسەتكىش تاۋلىگىنە 70 مىڭدى قۇرادى. سونداي-اق ەلوردانىڭ بارلىق ساۋدا ورتالىقتارىندا كورمە كەزىندە كەڭ اۋقىمدى مەرەكەلىك شارالار وتكىزىلدى. دالىرەك ايتساق قالاداعى سوسو 180-گە جۋىق شارانى وتكىزدى»، - دەدى ر.قاۋعابايەۆا.

ايتا كەتەيىك، استانادا 8 ءىرى ساۋدا ويىن-ساۋىق ورتالىعى جۇمىس ىستەپ تۇر.

«كورمە كەزىندە كەلۋشىلەردىڭ سانىن ارتتىرۋ ماقساتىندا ولار كادەسىي ونىمدەرىن ساتاتىن ارنايى دۇڭىرشەكتەر اشىپ، بالالار دەمالىسىن دامىتتى. سەبەبى، جاز مەزگىلى بالالاردىڭ وقۋ دەمالىسىنا شىققان كەزى بولاتىن. بۇدان بولەك، ءتۇرلى event شارالار وتكىزدى. جالپى، سوسو كەلۋشىلەر سانى مەن ساۋدا كولەمىنىڭ ارتقانى بايقالادى»، - دەدى باسقارما باسشىسى.

سونداي-اق جاز ايلارىنا ەلوردانىڭ ءبىرقاتار بازارلارى كەلىشۋلەردىڭ جايلىلىعى مەن قولايلىعى ءۇشىن جۇمىس ۋاقىتىن وزگەركەن بولاتىن.

«ال بازارلاردى الاتىن بولساق، مۇندا دا ءوسىم كولەمى 2-2،5 ەسەگە ارتتى. قالا بازارلارىنا كەلۋشىلەر سانى ءبىر كۇندە 15 مىڭعا دەيىن جەتتى. كورمە اياقتالىسىمەن قالا بازارلارى بەلگىلەنگەن كەستەگە سەيكەس، بۇرىنعى تارتىپپەن جۇمىس ىستەپ جاتىر»، - دەدى كاسىپكەرلىك جانە ونەركاسىپ باسقارماسىنىڭ باسشىسى ر.قاۋعابايەۆا.