جامبىل وبلىسىندا سوتتالعان پەدوفيلدەردىڭ 88 پايىزى بالالاردىڭ تۋىسى بولىپ شىقتى، - دەپ حابارلايدى Qamshy.kz اقپارات اگەنتتىگى جامبىل وبلىستىق پروكۋراتۋراسىنىڭ باسپا ءسوز قىزمەتىنە سىلتەمە جاساپ.

جاسالعان تالداۋدىڭ ناتيجەسى، پروكۋرورلاردىڭ ايتۋىنشا، ءماز ەمەس. "وسى جىلى وبلىسىمىزداعى سوتتالعان 18 پەدافيلدىڭ 3ء-ۋى تۋعان اكەلەرى بولسا، 1ء-ۋى وگەي اكە، 3ء-ۋى نەمەرە اعالارى، 6-ى كورشىلەرى جانە تانىستارى، تەك قانا 2 پەدافيل عانا قىلمىسقا دەيىن وزدەرىنىڭ قۇرباندارىن تانىماعاندار"، - دەپ حابارلادى ۆەدومستۆو وكىلدەرى. 

وسى سەبەپتى بيىلعى 27 قىركۇيەكتە جاستار اراسىنداعى قىلمىستى بولدىرماۋعا باعىتتالعان قۇزىرلى ورگاندارمەن جانە اتا-انالار كوميتەتىمەن بىرلەسە وتىرىپ بۇل ماسەلەنىڭ الدىڭ الۋ شارالارىن تالقىلاۋ ءۇشىن دونگەلەك ۇستەل وتكىزىلگەن. شارا بارىسىندا وبلىس پروكۋراتۋرا وكىلدەرىنىڭ تاراپىنان اتا-انالار كوميتەتىنىڭ وكىلدەرىنە مۇنداي قىلمىستىق ارەكەتتەردىڭ الدىن-الۋ ءۇشىن قانداي شارالار قولدانۋ كەرەكتىگى ءتۇسىندىرىلدى.

وعان قوسا، اتقارىلعان جۇمىسپەن وزەكتى ماسەلەلەر تالقىلاندى.

"باس پروكۋراتۋرانىڭ "بالالاردى بىرگە قورعايىق!" اتتى باعدارلاماسى اياسىندا جاڭا وقۋ جىلىندا پروكۋراتۋرا ورگاندارى جانىنان 83 موبيلدىك توپتار قۇرىلىپ، بارلىق 451 مەكتەپكە بەكىتىلدى. قۇزىرلى جانە مۇددەلى مەكەمەلەرمەن بىرلەسە سوڭعى 1،5 (ءبىر جارىم) جىل ىشىندە 9 مىڭنان اسا پروفيلاكتيكالىق شارالار وتكىزىلدى. وبلىستىڭ 800 مىڭعا جۋىق حالقى اراسىندا ءاقپاراتتىق-تۇسىندىرۋ جۇمىستارى جۇرگىزىلىپ، بارلىق يمامدار مەن مولدالارعا كامەلەتكە تولماعانداردىڭ نەكەسىن قيۋ تۋرالى زاڭ تالاپتارى ءتۇسىندىرىلدى، 237 "قيىن" بالالار سپورتقا تارتىلىپ، 43 بوسانعان قىزداردىڭ ءتىزىمى پوليسيا ورگاندارىنا جولدانىپ، ولار بويىنشا پروسەسسۋالدىق شەشىمدەر قابىلداندى. جەرگىلىكتى بيۋدجەت ەسەبىنەن 300-دەن اسا مەكتەپكە بەينە باقىلاۋ قوندىرعىلارى ورناتىلدى"، - دەپ حابارلادى وبلىس پروكۋرورىنىڭ ورىنباسارى ايدوس مايلىبايەۆ.

ناتيجەسىندە 8 ايدىڭ قورتىندىسىمەن جاسوسپىرىمدەرمەن جاسالىنعان قىلمىستار سانى 11 پايىزعا جۋىق ازايسا، ولارعا قارسى جاسالعان جالپى قىلمىس سانى 39 پايىزعا تومەندەگەنى ايتىلادى.