پاۆلودار وبلىسىندا وتكەن تاۋلىكتە 55 جاستاعى ەكى ايەل ادام ىستان ۋلانىپ قالدى. ولاردىڭ ءبىرى ۋسپەن اۋدانىنىڭ تۇرعىنى بولسا، ەكىنشىسى – پاۆلودارلىق، دەپ حابارلايدى Qamshy.kz اقپارات اگەنتتىگى  pavlodarnews.kz مالىمەتىنە سۇيەنىپ.

وبلىستىق تجد باسپا ءسوز قىزمەتىنىڭ مالىمەتىنشە، تاڭعى ساعات جەتىدە ۋسپەن اۋىلىنىڭ پۋشكين كوشەسىندە ورنالاسقان  ەكى پاتەرلى قامىس تۇرعىن ءۇيدىڭ ءبىر بولىگىندە ءورت شىققان.

- ءۇش بولمەلى پاتەردە جىلىتۋ پەشى جانىپ، ءۇش شارشى مەتر اۋماقتا اعاش قۇرىلىمدار ورتەنگەن. قۇتقارۋشىلار كەلگەنگە دەيىن وقيعا ورنىنان ءبىر ادام اۋداندىق ورتالىق اۋرۋحاناعا ورتاشا دەڭگەيدە ۋلانۋ دياگنوزىمەن جەتكىزىلدى، - دەيدى دەپارتامەنتتە.

بۇدان باسقا، پاۆلودار قالاسىندا مير، 60/1 كوشەسىندەگى تۇرعىن ءۇيدىڭ ءبىرىنشى قاباتىنان باستاپ ءتورتىنشى قاباتىنا دەيىن مەتالل قوراپتىڭ ىشىندەگى ەلەكتر سىمدارى جانىپ، 12 مەتر بويىن شارپىعان.

سونىمەن قاتار ەكىنشى پودەزدە ەلەكترقالقانىندا 0،6 شارشى مەتر اۋماقتا ماتراس بىقسىپ جانعان. بۇل جەردەن دە قالالىق اۋرۋحاناعا ورتاشا ۋلانۋ دياگنوزىمەن ءبىر ادام جەتكىزىلگەن. ءورت بولعان جەردەن 43 ادام قۇتقارىلعان، ولاردىڭ سەگىزى - بالالار. ءتىلسىز جاۋدى اۋىزدىقتاۋعا جەكە قۇرامنان 14 ادام جۇمىلدىرىلدى.