ىستىق كول وبلىسىندا جەتى-وگىز قاباق اۋىلىندا 47 جاستاعى ەر ادامدى ءولتىرىپ، باسىنا كولىكتىڭ شيناسىن تاعىم ورتەپ جىبەرگەن، دەپ حابارلايدى Qamshy.kz اقپارات اگەنتتىگى جەرگىلىكتى باق-قا سىلتەمە جاساپ.

21 قىركۇيەكتە بەلگىسىز بىرەۋ 47 جاستاعى ەر ادامدى اياۋسىز ءولتىرىپ، قىلمىسىن جاسىرماق نيەتتە ونىڭ باسىنا كولىكتىڭ شيناسى كيگىزىپ ورتەپ جىبەرگەن.

ەر ادامنىڭ ءمايىتىن ان-وستەن اۋىلىنا جاقىن ماڭدا كولدىڭ جاعالاۋىنان تاۋىپ العان. زەرتتەۋ بارىسىندا دەنەنىڭ ۇستىڭگى بولىگى جانىپ كەتكەندىگى بەلگىلى بولدى. ءمايىتتى زارداپ شەگۋشىنىڭ تۋىستار، بالاسى تانىپ، ايتىپ بەرگەن.

بەلگىلى بولعانداي، كوز جۇمعان ەر ادام 1970 جىلعى ي.قالىبەك ەسىمدى ازامات ەكەن. ول تاكسيست بولىپ جۇمىس ىستەگەن، قىزى دۋبايدا قىزمەت اتقارادى ەكەن. كەيبىر دەرەكتەرگە سايكەس، قالىبەك ءوزىنىڭ قىزىنا قوڭىراۋ شالىپ، 2000 اقش دوللارىن سۇراعان ەكەن. وسى وقيعادان كەيىن ەر ادام دەرەۋ جوعالىپ كەتكەن.

ءمايىت 21 قىركۇيەكتە تابىلعان، ال 22 قىركۇيەكتە ۇلىنىڭ تەلەفونىنا اكەسىنىڭ اتىنان سمس حات كەلىپتى. «بالام مەن شۇعىل شارۋالارىممەن الماتىعا كەتتىم. ءبىر ايدان كەيىن ورالامىن»، - دەپ جازىلعان حابارلامادا.

قازا تاپقان ەر ادامنىڭ ايەلى ول ۋاقىتتا بىشكەكتە بولعان. بەلگىلى بولعانداي، ايەلى بىشكەكتەگى ءدامحانالاردىڭ ءبىرىن جالعا الىپ، جۇمىس ىستەيدى ەكەن.

قىلمىستىق ىسكە قاتىستى تەرگەۋ جۇمىستارى ءالى جالعاسۋدا.