لازاريەۆ اۋدانىنىڭ تۇرعىندارى ءۇش بالل كولەمىندە بولعان جەر استى دۇمپۋلەرىن سەزگەن. جەر سىلكىنىسىنىڭ ەپيورتالىعى سوچيدەن 60 كم قاشىقتىقتا ورنالاسقان تاۋدا بولعان، دەپ حابارلايدى Qamshy.kz اقپارات اگەنتتىگى جەرگىلىكتى باق-قا سىلتەمە جاساپ.

بۇل جايىندا سەيسمولوگيالىق ورتالىقتىڭ باسشىسى ەلەنا كارپوۆيچ مالىمدەدى.

«تاڭعى ساعات 6:35 شاماسىندا لازاريەۆ اۋانىندا جەر سىلكىنىسى بولدى. تۇرعىندار جەر استى دۇمپۋلەرىن سەزىنگەن. جەر سىلكىنىسىنىڭ ەپيورتالىعى سوچيدەن 60 كم قاشىقتىقتا بولدى»، - دەيدى كارپوۆيچ.

ونىڭ ايتۋىنشا، كراسنودار ايماعى ءۇشىن 3 باللدىق جەر سىلكىنىسى قالىپتى جاعداي.

رەسەيدىڭ كراسنودار ايماعىنىڭ تجك باسپا ءسوز قىزمەتىنىڭ حابارلاۋىنشا، جەر سىلكىنىسى ناتيجەسىندە جاپا شەككەندەر مەن قيراعان ۇيلەر جوق.

«اۋداننىڭ جاعدايىن تەكسەرۋ ءۇشىن اكىمشىلىكتىڭ جانە ءورت سوندىرۋشىلەر مەن قۇتقارۋشىلاردىڭ ارنايى توبى اتتاندى. بەلگىلى بولعانداي، جاپا شەككەندەر جوق»، - دەلىنگەن حابارلامادا.