ءبىر ايدا دۇنيەگە كەلگەن ادامداردىڭ قايتكەندە دە ءبىر ۇقساستىقتارى كەزدەسىپ جاتادى. سوندىقتان ايەلدەردىڭ مىنەز-قۇلقىنا، بولمىسىنا، تۋعان ايىنا قاتىستى قىزىقتى اقپاراتتار لەگىن Qamshy.kz اقپارات اگەنتتىگى نازارلارىڭىزعا ۇسىنادى. ءسىز قاي ايدا دۇنيە ەسىگىن اشتىڭىز؟

قاڭتار

جىلدىڭ العاشقى ايىندا تۋعان قىزدار ايتقانىنان قايتپايتىن، باتىل بولىپ كەلەدى. ءوز سەزىمىن سىرتقا جايعاندى ۇناتپايدى. بارلىق نارسەگە سىني كوزبەن قارايدى. جانە وزىمەن ينتەلەكتۋالدى دارەجەسى بىردەي، پىكىرىن قولدايتىن ادامدارمەن قارىم-قاتىناس جاساعاندى قالايدى.

اقپان

رومانتيكانى سۇيەتىندەر. ولارمەن تىلدەسكەندە سىزگە ەرەكشە ءتوزىم قاجەت بولادى. كوڭىل-كۇيلەرى ءجيى قۇبىلاتىندىقتان، بۇل توپتاعىلاردى ءتۇسىنۋ ءسال قيىنداۋ. ال ساتقىندىق جاسايتىن بولساڭىز، ونى بۇدان بىلاي كورمەيسىز!

ناۋرىز

ەرەكشەلىك پەن سۇيكىمدىلىكتىڭ سالتاناتى. بۇل ايدا دۇنيەگە كەلگەندەر وزدەرىنە وتە سەنىمدى جاندار. ەڭبەكسۇيگىشتەر. ولار ءسىز رەنجىتىپ، كوڭىلىنە تيگەنگە دەيىن سۇيكىمدىلىكتەرىن ساقتاي بىلەدى. جالپى ناۋرىزدا تۋعاندارمەن بىرگە ءومىر ءسۇرۋ – ءبىر عانيبەت.

ءساۋىر

كوپشىل. كەز كەلگەن اداممەن وڭاي ءتىل تابىسىپ كەتەدى. اسىرەسە سۇيىكتى ادامىمەن. ءبىراق قىزعانشاقتىق قاسيەتى دە بار. سەنىمىنە كىرگەن جانداردى قادىرلەي بىلەدى، وعان بار سىرىن اقتارىلا ايتادى. نەگىزى ساۋىردە تۋعان قىزدار ءوز جارتىلارىن الەمدەگى باقىتتى جانعا اينالدىرا الادى.

مامىر

مامىر – ايەلدەردىڭ ايى. بۇل كەزدە تۋعاندار تۇراقتىلىق پەن ۇستامدىلىق قاسيەتتەرىنە يە. سونداي-اق، كوزتارتارلىق سۇلۋلىعى  دا بار. مىنەزدەرى وتە جۇمساق. ازداپ ەرىنشەكتىگى بولۋى مۇمكىن. ءبىراق ولارعا كەزىككەن ەرلەر – جولى بولعىش.

ماۋسىم

شىعارماشىلىق ارۋلارى. جاڭا نارسەلەرگە ۇنەمى قىزىعىپ جۇرەدى. ءبىر كەمشىلىگى – الدىمەن سويلەپ، سودان سوڭ بارىپ ويلانادى. ءبىراق ولار سىرتىڭنان ءسوز تاسىماي، شىندىقتى وسىلاي بەتكە ايتادى. ايتپاقشى، جىگىتتەر بۇل ارۋلاردان ساق بولعانى ءجون. ويتكەنى ولاردى وپ-وڭاي ويىنشىعىنا اينالدىرىپ الا الادى.

شىلدە

جازدى، جالپى جىلدىڭ ورتاسىندا دۇنيەگە كەلگەن ارۋلار وتە ادال، سۇلۋ، اقىلدى ءارى وتە جۇمباق بولىپ كەلەدى. ايقاي-شۋدى، ۇرىس-كەرىستى جاقتىرمايدى. وعان وتىرىك ايتپاڭىز. ءبىر رەت الدايمىن دەپ بۇل ايدا تۋعان جاقىنىڭىزدان، دوسىڭىزدان ايىرىلىپ قالۋىڭىز مۇمكىن.

تامىز

وتە قىزىق جاراتىلىس يەلەرى. بويىندا ەگويستىك قاسيەت تە، جومارت جۇرەك تە بار. ولارمەن ۇرىسۋدىڭ قاجەتى شامالى. ويتكەنى ءبارىبىر جەڭىلىپ قالاسىز. سونداي-اق، ءازىل-قالجىڭعا جاقىن كەلەدى. ۇنەمى جۇرتتىڭ نازارىندا بولعاندى ۇناتادى. ەركەكتەردى بىردەن باۋراپ الاتىن قابىلەتكە يە.

قىركۇيەك

بۇل كەزەڭدە مەيىرىمدى، ەرەكشە جاندار دۇنيەگە كەلەدى. وزىنە ساتقىندىق جاساعانداردى كەشىرمەيدى. ەگەر وعان اۋىر تيەر ىس-ارەكەت جاساساڭىز، سىزدەن كەك قايتارۋى مۇمكىن. ولار ءبىر كۇندىك ۋاقىتشا قارىم-قاتىناستى ەمەس، ۇزاق، تۇراقتى قاتىناستى باعالايدى. ەگەر جەڭىل-جەلپى ويىڭىز بولسا، قىركۇيەكتە تۋعان ارۋلارعا جاقىنداماي-اق قويىڭىز.

قازان

اقىلدىلار. وتە مىقتى مىنەز يەلەرى. كوپشىلىك الدىنا شىققاندى ۇناتپايدى. كەز كەلگەنگە اقتارىلىپ، سىرىن اشا بەرمەيدى. ءار ءىستى ويلانىپ، اقىلعا سالىپ بارىپ جاسايدى. جانىنداعىلارعا كوپ جاعدايدا ونىڭ قىزعانشاقتىعى ۇنامايدى.

قاراشا

وزگەلەردەن ۇنەمى ءبىر قادام الدا جۇرەدى. ونى وزدەرى بايقاماۋى دا مۇمكىن. ويتكەنى ولار جاساعان ىس-ارەكەتتەرىنە ماقتانىپ، بارىنە كورسەتۋدى كوزدەمەيدى. وتىرىكتى بىردەن بايقايدى. ەگەر شىندىقتى بىلگىڭىز كەلسە، قاراشادا تۋعان بيكەشتەردىڭ پىكىرىن تىڭداڭىز.

جەلتوقسان

جەلتوقساندا شىدامسىز، كۇيگەلەكتەر دۇنيەگە كەلەدى ەكەن. كەز كەلگەن تىعىرىقتان شىعار جولدى وڭاي تاۋىپ كەتەدى. بىلايشا ايتقاندا «سۋدان قۇرعاق شىعادى». ولار وزدەرى عانا سەرگەك جۇرمەي، وزگەلەردىڭ دە كوڭىل-كۇيىن كوتەرىپ جۇرەدى. ومىرىندە كوپتەگەن كەدەرگىگە تاپ بولۋى مۇمكىن، ءبىراق سوڭىندا كەرەمەت جەڭىسكە قول جەتكىزەدى.