«ەل-شەجىرە» قوعامدىق قورى 2017 جىلدىڭ 5 قازانىندا الماتى قالاسى ىشكى ساياسات باسقارماسىنىڭ مەملەكەتتىك الەۋمەتتىك تاپسىرىسى اياسىندا قازاقستان جازۋشىلار وداعىنىڭ ادەبيەتشىلەر ۇيىندە «ايبىنىم الاش» اتتى شىعارماشىلىق كەش وتكىزەدى دەپ حابارلايدى Qamshy.kz اقپارات اگەنتتىگى.

الاشوردانىڭ 100 جىلدىعىنا وراي وتكىزىلىپ وتىرعان كەشكە تانىمال اقىندار، ستۋدەنتتەر، وقۋشىلار قاتىسىپ، الاش قايراتكەرلەرىنىڭ ولەڭدەرىن جاتقا وقيدى. سونداي-اق ولار وزدەرىنىڭ الاشوردانىڭ ءبىر عاسىرلىق مەرەيتويىنا ارناپ شىعارعان ولەڭ شۋماقتارىن جىرعا قوسادى.

كەشتىڭ ماقساتى – الاشوردا ۇكىمەتىنىڭ جانە الاش قايراتكەرلەرىنىڭ مۇراسىن قالا تۇرعىندارىنا كەڭىنەن ناسيحاتتاۋ، الاش قوزعالىسىنا جاڭادان وڭ باعا بەرىپ، جاستاردى وتانسۇيگىشتىككە تاربيەلەۋ.

الاشوردانىڭ 100 جىلدىعى – قازاقستان ءۇشىن تورقالى توي. مەرەيتوي قانشاما جاننىڭ تاريحي جادىن جاڭعىرتىپ، جاستاردىڭ ۇلتتىق ماقتانىش سەزىمىن ارتتىرادى. 20-عاسىردىڭ باسىندا پايدا بولعان ۇلتتىق-دەموكراتيالىق قوزعالىس حالىقتىڭ تەك ساياسي ومىرىنە عانا ەمەس، مادەنيەتىنە، ادەبيەتىنە تىڭ سەرپىلىس اكەلدى. قازاقستاننىڭ تاۋەلسىز ەل اتانۋىنىڭ ارقاسىندا كەيىنگى ۇرپاققا ولشەۋسىز مۇرا قالدىرعان ۇلتتىق ينتەلەگەنسيامىزدىڭ ەسىمدەرىن قايتا جاڭعىرتىپ، ولاردىڭ ەرلىكتەرىنە جاڭادان باعا بەرۋگە مۇمكىندىك تۋدى.

ءىس-شاراعا  الماتى قالاسىنىڭ زيالى قاۋىمى، قوعام قايراتكەرلەرى، جاستار ۇيىمدارى، ۇەۇ جانە ب ا ق وكىلدەرى قاتىسادى. كەش سوڭىندا قوناقتارعا ارناپ كوفە-برەيك ۇيىمداستىرىلادى.

سالتاناتتى ءىس-شارانىڭ ەسىگى كەز كەلگەن جىرسۇيەر قاۋىمعا اشىق.