كوپكە ساباق بولاتىن اڭگىمەنى Qamshy.kz اقپارات اگەنتتىگى Caravan.kz-كە سىلتەمە جاساپ نازارلارىڭىزعا ۇسىنادى. 

ءبىر جىگىت ۇيلەنىپتى... وتباسىلى ءومىردىڭ ءبىرىنشى كۇنى  ءوزى، كەلىنشەگى جانە اناسى داستارxان باسىنا جينالادى. كۇيەۋى ايەلىنە ەرەكشە قۇرمەت كورسەتىپ ۇلكەن ءساندى كەسەدە تاماقتىڭ ەڭ ءدامدى جەرىن ۇسىنعان. ال اناسىنا تاماقتى قاراپايىم كەسەدە بەرگەن. وسىنى كورگەن تەكتى ءارى دانا كەلىنشەك كۇيەۋىنە "مەنىڭ تالاعىمدى بەرىڭىز، سىزبەن اجىراسامىن،" - دەگەن ەكەن.

كۇيەۋى ءسۇيىپ قوسىلعان كەلىنشەگىنىڭ شەشىمىن وزگەرتۋگە تىرىسقان. الايدا ايەلى كونبەگەن. كۇيەۋى كەلىنشەگىڭ مۇنداي شەشىم قابىلداۋىنىڭ سىرىن بىلگىسى كەلدى. سوندا قەلىنشەك "بالا قانىنا تارتادى. قالاي جازالاساڭ، سولاي جازالاناسىڭ دەگەن دانا ءسوز بار. مەن سىزدەن بالا تاپقىم كەلمەيدى. ەگەر ورتاق بالامىز بولسا اناڭىزدى قورلاعانداي مەن دە ەرتەڭ قورلانامىن با دەپ قورقامىن" - دەپتى.

كەلىنشەك ول جىگىتپەن اجىراسىپ، اناسىنا ەرەكشە ءىلتيپات، قۇرمەت كورسەتەتىن جىگىتكە تۇرمىسقا شىققان. ارادان ءبىراز جىلدار وتكەننەن كەيىن ايەل كەرۋەندە تۇيەنىڭ ۇستىنە قويىلعان تۇيمەشەدە، بالا-شاعاسىنىڭ جانىندا كەتىپ بارا جاتسا، كەرۋەننىڭ سوڭىندا جاياۋ كەلە جاتقان ءبىر شالعا كوزى تۇسەدى...

سوندا ايەل "انا اقساقالدى شاقىرىڭار"، - دەپ بالالارىنا بۇيىرىپتى. ول شال بۇرىنعى كۇيەۋى ەكەن... ايەل اقساقالعا قاراپ "مەنى تانىدىڭىزبا؟" - دەپ سۇراپتى. سوندا شال "جوق"، - دەپ جاۋاپ بەرگەن. ايەل "مەن ءسىزدىڭ بۇرىنعى كەلىنشەگىڭىزبىن. سىزگە سول كەزدە "قانىنا تارتپاي تۋمايدى. قالاي جازالاساڭ، سولاي جازالاناسىڭ!" دەپ ايتپاپ پا ەدىم؟! ەندى ءسوزىمنىڭ راستىعىنا ءوزىڭىزدىڭ دە كوزىڭىز جەتتى. مەنىڭ بالالارىم قالاي قىزمەت ەتىپ ءجۇر. ال ءسىزدىڭ قارتايعان كەزدە جانىڭىزدان تابىلۋى ءتيىس بالا-شاعاڭىز قايدا؟" - دەپتى.

ايەل "ساۋاپ ءۇشىن مىنا اقساقالعا دا قامقور بولىڭدار"، - دەپ بالالارىنا بۇيىرىپتى...