يركۋتسك وبلىسىندا مەكتەپ وقۋشىسى پەدوفيلدەن قاشىپ قۇتىلعان. قاسكۇنەم 7-سىنىپ وقۋشىسىن ورمانعا ەرتىپ بارىپ، شەشىنۋىن تالاپ ەتكەن. ىڭعايلى ءساتتى كۇتكەن قىز بالا پەدوفيلدەن قاشىپ كەتكەن. قىلمىسكەر سول كۇنى-اق قۇرىقتالدى.

اتالمىش اقپاراتتى رەسەيدىڭ تەرگەۋ كوميتەتى جاريالادى. پەدوفيلگە قاتىستى ادام ۇرلاۋ ءىسى بويىنشا قىلمىستىق ءىس قوزعالدى.

29 قىركۇيەكتە قۇقىققورعاۋ ورگانىنا ءجاسوسپىرىمنىڭ ۇرلانعانى تۋرالى اقپارات كەلىپ ءتۇستى. تەرگەۋشىلەر 13 جاستاعى قىزدىڭ انگارسك قالاسىندا ۇرلانعانىن انىقتادى. ۆوروشيلوۆ كوشەسىندە مەكتەپ وقۋشىسىن بەلگىسىز بىرەۋ كۇشتەپ كولىككە وتىرعىزىپ، كولىك ورمانعا قاراي بەت العان.

دىتتەگەن جەرىنە جەتكەندە ەر ادام قىزدان شەشىنۋىن تالاپ ەتكەن. پەدوفيل باسقا جاققا بۇرىلعان ساتتە-اق وقۋشى قىز قاشا جونەلدى، ءارى مۇنىسى ىسكە استى دا. پوليسەي قىزمەتكەرلەرى ءىزىن سۋىتپاي قىلىمسكەردى سول كۇنى ۇستادى. ول انگارسك قالاسىنىڭ 35 جاستاعى تۇرعىنى بولىپ شىقتى. ەر ادام قالاداعى گاراج كووپەراتيۆتەرىنىڭ بىرىنەن تابىلدى.