تۇركى كەڭەسى — تۇركى تىلدەس مەملەكەتتەردى بىرىكتىرەتىن حالىقارالىق ۇيىم. تۇركى كەڭەسى 2009 جىلدىڭ 3 قازانىندا ناحچىۆان قالاسىندا قۇرىلعىن. ناحچىۆان كەلىسىمىنە قول قويىلعان 3 قازان تۇركى الەمىندە جىل سايىن تۇركى حالىقتارىنىڭ ىنتىماقتاستىعى كۇنى رەتىندە اتالىپ كەلەدى، دەپ حابارلايدى Qamshy.kz اقپارات اگەنتتىگى. 

ەستەرىڭىزگە سالا كەتەيىك، ءازىربايجاننىڭ ناحچىۆان قالاسىندا 2009 جىلعى 3 قازاندا تۇركىتىلدەس ەلدەر مەملەكەت باسشىلارىنىڭ IX سامميتىندە قازاقستان، تۇركيا، ازەربايجان جانە قىرعىز رەسپۋبليكاسىنىڭ پرەزيدەنتتەرى تاريحي ناحچىۆان قۇجاتىنا قول قويدى. سول كۇننەن باستاپ تۇركى الەمى ينتەگراسياسى جاڭا ءبىر بەلەسكە كوتەرىلدى. اتالعان كەلىسىم ناتيجەسىندە تاريحتا العاش رەت باۋىرلاس ءتورت ەل تۇركىتىلدەس ەلدەردىڭ ىنتىماقتاستىق كەڭەسى اتتى حالىقارالىق ۇيىم قۇردى. وسىدان سوڭ تۇركپا، حالىقارالىق تۇركى اكادەمياسى دۇنيەگە كەلدى. ال تۇركسوي جاڭا سەرپىنمەن جۇمىس ىستەي باستادى. 

ايتا كەتسەك، 1992 جىلدان باستاپ تۇرىك تىلدەس مەملەكەتتەردىڭ ءسامميتى وتكىزىلەدى. 2009 جىلى 3 قازاندا ناحچىۆان كەلىسىمىنە قول قويىلدى. ۇيىم ورتالىعى ىستانبۇلدا ورنالاسقان.

ايتا كەتۋ كەرەك، ق ر پرەزيدەنتى ن.نازاربايەۆ تۇركىتىلدەس حالىقتارىنىڭ ءىح سامميتىندە تۇركى الەمىنىڭ بۇگىنى، ەرتەڭى جانە بولاشاعىن زەرتتەۋ جونىندەگى حالىقارالىق عىلىمي ورتالىقتى قۇرۋ ۇسىنىسىن جاسادى. قازاقستان پرەزيدەنتى سونداي-اق ەكونوميكانى، ەكولوگيالىق قاۋىپسىزدىكتى، مادەني-گۋمانيتارلىق سالالاردى دامىتۋدا ىنتىماقتاستىقتىڭ اناعۇرلىم پەرسپەكتيۆالىق باعىتتارىن ايقىنداپ بەردى.

«تۇركى كەڭەسى ەكونوميكالىق، مادەني-گۋمانيتارلىق بايلانىستاردى نىعايتۋعا ەلەۋلى ۇلەس قوسىپ كەلەدى. ءوزارا ىنتىماقتاستىق پەن بىرلىكتىڭ ارتۋى «تۇركى الەمى» اتتى ورتاق برەندتى جەر-جاھانعا تانىتىپ وتىر»، - دەگەن بولاتىن قازاقستان پرەزيدەنتى نۇرسۇلتان نازاربايەۆ 2013 جىلى وتكەن تۇركىتىلدەس مەملەكەتتەردىڭ ىنتىماقتاستىق كەڭەسىنىڭ ءۇشىنشى سامميتىندە.