USD 465
EUR 548
RUB 6
USD 465
EUR 548
RUB 6
جەكسەنبى كۇنى نيۋ-يوركتىڭ 78 جىلدىق تاريحى بار كونە كوپىرى — كوستيۋشكو وپىرىلىپ قۇلادى، — دەپ حابارلايدى Qamshy.kz اقپارات اگەنتىگى شەتەلدىك باق-قا سىلتەمە جاساي وتىرىپ.
كەيبىر دەرەكتەرگە سۇيەنسەك، ەسكى كوپىردى قيراتۋ ءساتى شوۋعا اينالىپتى. كوستيۋشكو كوپىرىن قيراتۋ كەزىندە ونى كورۋگە جينالعان حالىق ءۇشىن ارنايى لوتورەيا ۇيىمداستىرىلعان. لوتورەيادا ۇتىسقا يە بولعاندار كوپىردىڭ قۇلاعان ءساتىن جاقىننان تاماشالاۋ مۇمكىندىگىنە يە بولعان.
بۇل كوپىردەن كۇنىنە 10 مىڭ اۆتوموبيل جانە 180 مىڭنان استام ادام وتە الاتىن ەدى.
كوپىر 1939 جىلى پايدالانۋعا بەرىلىپتى جانە ون جىل ىشىندە-اق كولىك كەپتەلىستەرىمەن ايگىلى بولدى. سوڭعى جىلدارى كوپىردىڭ ەسكىرگەنى بايقالعاندىقتان، جاز مەزگىلىندە كوپىردى قيراتۋ جوسپارلانعان بولاتىن. الايدا بۇل جوسپار كەيىنگە شەگەرىلىپ كەلگەن.
ەندى ەسكى كوپىردىڭ ورنىنا جاڭا ۇلكەن 5 جولاقتى كوپىر سالىنباق. جاڭا كوپىردىڭ قۇرىلىسىن 2019 جىلعا دەيىن اياقتاۋ جوسپارلانىپتى. سونداي-اق جاڭا كوپىردە جاياۋ جۇرگىنشىلەرگە ارنالعان تروتۋار دا بولاتىنىن ايتتى ماماندار. جاڭا كوپىرمەن كۇنىنە 200 مىڭ اۆتوموبيل وتەدى.
