قازاقستاندا جاڭا جىلدان باستاپ اسكەري قىزمەتشىلەردى  تۇرعىن ۇيمەن قامتاماسىز ەتۋ جۇيەسى وزگەرتىلەدى،-دەپ حابارلايدى Qamshy.kz اقپارات اگەنتتىگى. بۇگىن پارلامەنت ءماجىلىسىنىڭ قورعانىس جانە قاۋىپسىزدىك كوميتەتىنىڭ سىرتقى ىستەر وتىرىسىندا دەپۋتاتتار تۇرعىن ءۇي قاتىناستارى تۋرالى زاڭناماعا تۇزەتۋلەر جوباسىن قاراستىردى. سولاردىڭ ءبىرى تۇرعىن ءۇيدى جالداۋ ءۇشىن جالدامالى تۇرعىن ۇيگە وتەماقى تولەۋدى كوزدەيدى.

بۇرىندارى اسكەري قىزمەتكەرلەر اقشانى ءوز قولدارىنا العان بولسا، جاڭا جوبانىڭ اياسىندا قاراجات ەكىنشى دەڭگەيلى بانكتەردە جينالادى.قورعانىس مينيسترلىگىنىڭ مالىمەتىنە سايكەس، ءۇش جىل ىشىندە تولەنگەن وتەماقى سوماسى 50 ميلليارد تەڭگەدەن اسقان. بۇل اقشانىڭ بارلىعى قايتارىلمايتىن بولىپ جوعالىپ كەتكەن. جاڭا زاڭ قابىلدانعاننان كەيىن تۇرعىن ءۇي 60 مىڭ اسكەري قىزمەتكەرگە بەرىلەتىن بولادى.

ولار مەملەكەت ەسەبىنەن ءوز ءۇيىن ساتىپ الادى. ماۋلەن اشىمبايەۆ، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى: «بۇل شەشىم بويىنشا تۇرعىن ءۇي قۇرىلىس جيناق بانكى اسكەريلەرگە ارنايى ءونىم جاسايدى جانە ول ەڭ تومەنگى باستاپقى دەپوزيت پەن تومەن پايىزدا بەرىلەدى». تيىسىنشە، اسكەري قىزمەتكەر وسى تۇرعىن ءۇي تولەمىن الىپ، تقج-مەن كەلىسىم جاساسادى جانە ءۇيدىڭ نەسيەسىن وتەيدى.