بۇگىن ماۋلەن اشىمبايەۆتىڭ جەتەكشىلىگىمەن ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ وتىرىسى ءوتتى، دەپ جازادى Qamshy.kz اقپارات اگەنتتىگى.

وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسى تالقىلاندى. وسىعان قاتىستى قورعانىس ءمينيسترىنىڭ ورىنباسارى تالعات مۇحتاروۆ پەن ءماجىلىس دەپۋتاتى، اتالعان زاڭ جوباسى بويىنشا جۇمىس توبىنىڭ جەتەكشىسى اباي تاسبولاتوۆتىڭ بايانداماسى تىڭدالدى.

قارۋلى كۇشتەردىڭ، اسكەري پروكۋراتۋرانىڭ، ۇلتتىق قاۋىپسىزدىك جانە ىشكى ىستەر ورگاندارىنىڭ اسكەري قىزمەتشىلەرىن تۇرعىن ۇيمەن قامتاماسىز ەتۋ تەتىكتەرىن جەتىلدىرۋگە باعىتتالعان زاڭ جوباسىنا ۇسىنىستاردى قورعانىس مينيسترلىگى پارلامەنت دەپۋتاتتارىمەن، مۇددەلى مەملەكەتتىك ورگانداردىڭ وكىلدەرىمەن بىرلەسىپ ازىرلەدى.

ءماجىلىس دەپۋتاتى م. اشىمبايەۆ اسكەري قىزمەتشىلەردىڭ الەۋمەتتىك جاعدايىن قولداۋعا باعىتتالعان ۇسىنىستار قابىلدانعان جاعدايدا اسكەريلەرگە ەڭ تومەنگى جەڭىلدىكپەن نەسيە الۋعا مۇمكىندىك جاسالاتىنىن اتاپ ءوتتى.

 – تۇرعىن ءۇي قۇرىلىس جيناق بانكى اسكەري قىزمەتشىلەر ءۇشىن ارنايى ۇسىنىستار دايىندالۋدا. اسكەري قىزمەتشىلەر 12 جىل ىشىندە قارىزدى وتەپ پاتەردى تولىقتاي يەلەنەتىن بولادى. سوندىقتان دا بۇل الەۋمەتتىك جانە ەكونوميكالىق جاعىنان ۇتىمدى بولماق،  – دەدى م. اشىمبايەۆ.

سونداي-اق تۇرعىن ءۇي جاردەماقىلارىنىڭ مولشەرىن، ماقساتىن، قايتا سانالۋىن، قولدانىلۋىن، توقتاتىلۋىن جانە ۇزارتۋىن انىقتاۋ ەرەجەسىنە سايكەس، تۇرعىن ءۇي تولەمدەرى اسكەري قىزمەت مەرزىمىنە قاراماستان تۇرعىن ۇيگە مۇقتاج اسكەري قىزمەتشىلەرگە بەرىلەدى.

سونىمەن قاتار، اسكەري قىزمەتشىلەر اسكەري قىزمەتتەن بوساتىلعان كەزدە تۇرعىن ۇيمەن قامتاماسىز ەتىلمەسە، 2018 جىلدىڭ 1 قاڭتارىنا دەيىنگى كەزەڭگە دەيىن تۇرعىن ءۇي تولەمدەرىن تولەيدى. سونىمەن جابىق جانە وقشاۋلانعان اسكەري قالاشىقتاردا، شەكارا زاستاۆالارىندا جانە باسقا دا جابىق نىسانداردا تۇرىپ جاتقان اسكەري قىزمەتشىلەرگە تۇرعىن ءۇي جاردەماقىلارىنىڭ 50% مولشەرىندە تۇرعىن ءۇي تولەمدەرىن جۇزەگە اسىرۋ جوسپارلانىپ وتىر.

بۇدان وزگە بۇل سالادا 20 جىل اسكەري قىزمەتتەن كەيىنگى قىزمەتتىك باسپانانى وتەۋسىز جەكەشەلەندىرۋ قۇقىعى بار. وسى رەتتە م. اشىمبايەۆ اسكەري قىزمەتشىلەر ءۇشىن پاتەرگە تولەنەتىن تولەماقى ولار جۇمىستان شىعىپ كەتسە، وندا سول جۇمىستان شىعىپ كەتكەن ۋاقىتىنا دەيىن تولەنەتىن ايتتى.

سونداي-اق دەپۋتات ەگەر قىزمەت بابىندا ءارتۇرلى جاعدايلار بولىپ، دەنساۋلىعىنا زيان كەلىپ جاتسا ونداي اسكەري قىزمەتشىلەرگە جاڭا تۇرعىن ءۇي ساتىپ الۋعا جەتكىلىكتى قارجى بولىنەتىنىن تىلگە تيەك ەتتى.

 زاڭ جوباسىنا قاتىستى ۇسىنىستار پالاتانىڭ الداعى وتىرىستارىندا قارالاتىن بولادى.