قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ديپلوماتيالىق قارىم-قاتىناستاردىڭ ورناعانىنا 25 جىل تولۋى اياسىندا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ بىرىككەن اراب امىرلىكتەرىنىڭ قازاقستانداعى ەلشىسى موحامماد احماد سۋلتان ەسسا الدجابەرمەن، ەكسترەميزمگە قارسى «حەدايا» حالىقارالىق ورتالىعىنىڭ اتقارۋشى ديرەكتورى ماكسۋد كرۋزبەن جانە «ساۋاب» ورتالىعىنىڭ وكىلى ولايا از-زاحيريمەن كەزدەستى دەپ حابارلايدى Qamshy.kz اقپارات اگەنتتىگى.

كەزدەسۋگە قاتىسۋشىلار قازاقستاندا «حەدايا» ورتالىعىنىڭ وڭىرلىك كەڭسەسىن اشۋ ءۇشىن اتالعان ۇيىمدى ادىلەت مينيسترلىگىنە تىركەۋگە قويۋعا قاتىستى  ۇيىمداستىرۋشىلىق باعىتتاعى ماسەلەلەردى تالقىلادى. 

كەزدەسۋ بارىسىندا «حەدايا»  جانە «ساۋاب» ورتالىقتارى قىزمەتىنىڭ  تانىستىرىلىمى وتكىزىلدى. «حەدايا» حالىقارالىق ورتالىعى 2012 جىلعى جەلتوقسان ايىندا بىرىككەن اراب امىرلىكتەرىنىڭ باستاماسىمەن قۇرىلعان. ۇيىمنىڭ نەگىزگى ميسسياسى - زورلىق-زومبىلىقتى ەكسترەميزمگە قارسى ۇزدىك ساراپتامالىق زەرتتەۋلەردى جۇرگىزۋ جانە تاراتۋ ارقىلى ەكسترەميزمدى جويۋعا بىرلەسىپ ارەكەت ەتۋ بولىپ تابىلادى.

«حەدايا» حالىقارالىق ورتالىعىنىڭ قىزمەتىمەن تانىستىرۋ بارىسىندا اتالعان ورتالىقتىڭ اتقارۋشى ديرەكتورى ماكسۋد كرۋز ەكسترەميزم مەن تەرروريزمگە قارسى ءىس-قيمىل سالاسىنداعى ساراپشىلاردىڭ اراسىندا اقپارات الماسۋدىڭ جانە تىكەلەي بايلانىستار ورناتۋدىڭ ماڭىزدىلىعىن اتاپ ءوتتى.

ال، «ساۋاب» ورتالىعىنىڭ وكىلى ولايا از-زاحيري كورنەكى اقپاراتتىق-گرافيكالىق ماتەريالداردىڭ نەگىزىندە دايش لاڭكەستىك ۇيىمىنىڭ يدەولوگيالارىن ينتەرنەت پەن الەۋمەتتىك جەلىلەردە تاراتۋعا قارسى تۇرۋ ماقساتىندا ورتالىقتىڭ اتقارىپ وتىرعان جۇمىسىنىڭ نەگىزگى تەتىكتەرى مەن ناتيجەلەرىن ءتۇسىندىردى.

كەزدەسۋ قورىتىندىسى بويىنشا تاراپتار ءدىني ەكسترەميزم مەن تەرروريزمنىڭ الدىن الۋ سالاسىنداعى ىنتىماقتاستىق پەن تاجىريبە الماسۋ پەرسپەكتيۆالارى تۋرالى پىكىر الماستى.

اتالعان شاراعا سونداي-اق، ق ر سىرتقى ىستەر مينيسترلىگىنىڭ، قۇقىق قورعاۋ جانە ارنايى ورگانداردىڭ، مادەنيەتتەر مەن دىندەر حالىقارالىق ورتالىعىنىڭ، «اقنيەت» قق-نىڭ، «تەرروريزمگە قارسى كوميتەت» رقب-نىڭ جانە «Kazdream technologies» اناليتيكالىق ورتالىعىنىڭ وكىلدەرى دە قاتىستى.