لاس ۆەگاس قالاسىنداعى اتىس سالدارىنان قازا تاپقانداردىڭ تۋىستارى ءۇشىن دۇيسەننبىدە قۇرىلعان كومەك قورى $3،7 ملن. جينادى. بۇل تۋرالى لاس-ۆەگاستاعى باسپا ءسوز ءماسليحاتىندا كلارك وكگرۋگى كوميسسياسىنىڭ ءتوراعاسى ستيۆەن سيسولاك ءمالىم ەتتى.

جەرگىلىكتى CNN ارناسى سيسولاكتىڭ سويلەگەن ءسوزىن كورسەتتى. ونىڭ ايتۋىنشا، جينالعان $3،7 ملن. قارجىنى 47 مىڭ ادام اۋدارعان. ءارى تولەمدەردىڭ ءبىرى $500 مىڭ، ەندى ءبىرى $100 مىڭدى قۇراعان.

ەسكە سالساق، جانتۇرشىگەرلىك وقيعا لاس-ۆەگاستاعى ەڭ ۇلكەن كازينونىڭ ءبىرى ماندالەي بەيدە بولعان ەدى. دەرەكتەر بويىنشا سول جەردە ورنالاسقان «ماندەلەي بەي» قوناق ءۇيىنىڭ 32-قاباتىنان بەلگىسىز بىرەۋ مۋزىكالىق فەستيۆالگە جينالعان قالا قوناقتارى مەن تۇرعىندارعا وق جاۋدىرعان. قاسكويدىڭ 64 جاستاعى ستيۆەن پەددوك ەسىمدى جەرگىلىكتى تۇرعىن ەكەنى انىقتالدى.