3 قىركۇيەكتە الماتى ماڭىندا ۇشاق قۇلاپ، 5 ادام قازا تاپتى. بۇل تۋرالى ق ر ءىىد تجك رەسمي وكىلى رۋسلان يمانقۇلوۆ ءمالىم ەتتى، دەپ حابارلايدى Qamshy.kz اقپارات اگەنتتىگى.

«3 قازان 19:15-تە الماتى وبلىسى، ىلە اۋدانىندا ان-28 ماركالى ۇشاق قۇلادى. الدىن الا مالىمەت بويىنشا، ۇشاق بورتىندا بەس ادام بولعان، ءبارى قازا تاپتى. وقيعا ورنىندا 12 ادام، الماتى وبلىسى ءورت ءسوندىرۋ قىزمەتىنەن 3 تەحنيكا بار. ولار ۇشاقتى ءسوندىرىپ جاتىر»، - دەدى يمانقۇلوۆ. 

كەيىن ەكيپاج مۇشەلەرى انىقتالدى. ولار اۋە كەمەسىنىڭ كاپيتانى قىرعىزستان ازاماتى – گ. ن. سوي، ەكىنشى ۇشقىش قازاقستان ازاماتى – ە. كۋتافين بولعان.

سونىمەن قاتار بورتتا 2 مەديسينا قىزمەتكەرىنىڭ بولعانى انىقتالدى. بورتتا بارلىعىن 5 ادام بولىپ، ءبارى وقيعا ورنىندا قازا تاپتى.

«ان-28» پولشادا 1990 جىلى جاسالعان. تىركەۋ ءنومىرى UP - A2807، ۇشۋ سالماعى 5 690 كەلى.

ايتا كەتەيىك، 3 قازاندا الماتى-شىمكەنت باعىتىنداعى Eastwing اۋە كومپانياسىنىڭ ان-28 اۋە كەمەسى، سانيتارلىق رەيسى ساعات 18:47-دە الماتىدان 28 شاقىرىم قاشىقتىقتا لوكاتوردان جوعالىپ كەتكەنى حابارلانعان.