3 قازاندا رەسەيدىڭ اۋە-عارىش كۇشتەرى رەسەيلىك ساربازداردى ازاپتاعان سودىرلارعا قارسى سوققى جاسادى، ― دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

رەسەيدىڭ قورعانىس ءمينيسترى سيرياداعى «دجەبحات-ان-نۋسرا» تەررورلىق ۇيىمىن جويىپ جىبەرگەن ۆيدەوسىن جاريالاعان. اتالعان تەررورلىق توپ 18 قىركۇيەكتە يدليب ماڭىندا رەسەيلىك اسكەردى ءولتىرىپ، ازاپتاپتى.

ۆيدەودا تەروريستتەر مەن ولاردىڭ تەحنيكاسىنىڭ ءبىر جەردە جينالىپ تۇرعانىن بايقاۋعا بولادى.

رەسمي دەرەكتەر بويىنشا، تەررورلىق ۇيىمعا قارسى باعىتتالعان سوققىنىڭ ناتيجەسىندە «دجەبحات-ان-نۋسرا» تەررورلىق توبىنىڭ 12 باسشىسىنىڭ كوزى جويىلىپ، كوپتەگەن كۇزەتشىلەر قايتىس بولعان. 10 شاقتى سودىر اۋىر جاراقاتتاندى. «دجەبحات-ان-نۋسرا» تەررورلىق ۇيىمىنىڭ ءتوراعاسى ابۋ مۋحاممەد ال-دجۋلياني اۋىر جاراقاتتانىپ، قولىنان ايىرىلعان. رەسەي فەدەراسياسىنىڭ قورعانىس ءمينيسترىنىڭ ايتۋى بويىنشا، سيرياداعى رەسەي اسكەرىنە شابۋىل جاساعان تەرروريستەردىڭ كوزىن قۇرتۋدى جالعاستىرادى.