مادريدتىك "رەالدىڭ" شابۋىلشىسى كريشتيانۋ رونالدۋ "التىن دوبىنىڭ" كوشىرمەسىن قايىرىمدىلىق اكسياسى اياسىندا وتكەن اۋكسيوندا ساتتى. بۇل تۋرالى Qamshy.kz اقپارات اگەنتتىگى يسپانيالىق AS باسىلىمىنىڭ مالىمەتىنە سۇيەنىپ حابارلايدى.
باسىلىمنىڭ مالىمەتى بويىنشا، رونالدۋ 2013 جىلى جەڭىپ العان "التىن دوبىنىڭ" كوشىرمەسىن 300 مىڭ ەۋروعا ساتقان. ونى يزرايلدەگى جانە الەمدەگى ەڭ باي ادامداردىڭ ءبىرى يدان وفەر ساتىپ العان.
بۇل ساۋدادان تۇسكەن قارجىنىڭ بارلىعىن دا پورتۋگاليالىق شابۋىلشى اۋىر دەرتكە شالدىققان بالالارعا كومەكتەسەتىن Make-A-Wish قورىنا اۋدارعان.
ەسكە سالايىق، 32 جاستاعى شابۋىلشى "التىن دوپتى" ءۇش رەت جەڭىپ العان. ناقتىلاپ ايتساق، 2008، 2013 جانە 2015 جىلدارى الەمنىڭ ۇزدىك فۋتبولشىسىنا بەرىلەتىن سىيلىقتى يەلەنگەن.
