برازيليادا بانكتى توناماق بولعان 16 ادام ۇستالدى، دەپ جازادى Qamshy.kz اقپارات اگەنتتىگى news.liga.net مالىمەتىنە سۇيەنىپ.
سان-پاۋلۋ پوليسەيلەرى ەل تاريحىنداعى ەڭ ءىرى ۇرلىق وپەراسياسىنىڭ الدىن الدى. قاسكۇنەمدەر «بانكو دو برازيل» قارجى ۇيىمىنىڭ قويماسىنا اپاراتىن 600 مەترلىك جەراستى جول قازعان. كۇدىكتىلەر شامامەن 318 ميلليون دوللارعا جۋىق اقشانى جىمقىرماق بولىپتى. ولار جەراستى جولىن شامامەن 1،3 ميلليون دوللارعا سالعان.
«ەگەردە قاسكويلەردىڭ جوسپارى ىسكە اسقاندا بۇل ەڭ ءىرى توناۋ فاكتىسى بولاتىن ەدى»، – دەيدى قۇقىق قورعاۋشىلار. برازياليادا بۇعان دەيىن دە ءدال وسىنداي وقيعا تىركەلگەن. ول كەزدە ۇرىلار جەراستى جولدىڭ كومەگىمەن 52 ميلليون دوللاردى قالتالارىنا باسقان.
ايتا كەتسەك، قاراقشىلار 4 قازان بانكتى توناماق بولعان.
