جۋىردا ع. قۇرمانعالييەۆ اتىنداعى باتىس قازاقستان وبلىستىق فيلارمونيادا «نۇر وتان» پارتياسى باستاۋىش ۇيىمدارىنىڭ  وكىلدەرى  قاتىسقان  «ۇزدىك  وتباسى»  بايقاۋى  ءوتتى.

«نۇر وتان» پارتياسىنىڭ «باقىتتى وتباسى – باقىتتى بالالىق شاق» جوباسى اياسىندا  وتباسى  قۇندىلىقتارىن  ناسيحاتتاۋ ماقساتىندا ۇيىمداستىرىلعان اتالمىش شاراعا ورالدىق  جەرديەۆ، ماسانعالييەۆ، يحسانوۆ، نۇرسۇلتانوۆ، ورىنوۆ، امانقۇلوۆتاردىڭ   جانۇيالارى قاتىسىپ، باقتارىن سىنادى.  بايقاۋدا قازىلار القاسىنىڭ مۇشەسى بولىپ،  «نۇر وتان» پارتياسى وبلىستىق فيليالى ءتوراعاسىنىڭ ورىنباسارى گۇلناز قۇلجانوۆا،  ع. قۇرمانعالييەۆ اتىنداعى وبلىستىق فيلارمونيانىڭ ءانشىسى، «ەرەن ەڭبەگى ءۇشىن» مەدالىنىڭ يەگەرى جاڭىلسىن حاسانوۆا،   «باتىس قازاقستان وبلىسى مۇگەدەكتەرى ەرىكتى قوعامى» قوعامدىق بىرلەستىگىنىڭ ءتوراعاسى جۇماجان قوججانوۆ، ورال قالالىق ءبىلىم بەرۋ ءبولىمىنىڭ مامانى سىندار مۇرات قىزى، «ۋرالسكيە رەپورتەرى» گازەتىنىڭ باس رەداكتورى ساۋلە زاگيدۋللينا جانە «جاس وتان» جاستار قاناتى وبلىستىق فيليالىنىڭ مەنەدجەرى  جاندوس سۇڭعاتوۆ بەكىتىلدى.

• قايىرلى كۇن، قۇرمەتتى كورەرمەندەر مەن بايقاۋعا قاتىسۋشىلار. وبلىستا «نۇر وتان» پارتياسىنىڭ  34978 مۇشەسى بولسا، 274 باستاۋىش پارتيا ۇيىمى بار. «نۇر وتان»  پارتياسى «ارداگەرلەردى ارداقتايىق!»، «كەدەرگىسىز كەلەشەك»  سەكىلدى بىرنەشە جوبالاردى جۇزەگە اسىرىپ كەلەدى.  بۇگىنگى ۇيىمداستىرىلىپ وتىرعان شارا  جاس ۇرپاق ءۇشىن زور ماڭىزعا يە. ويتكەنى وتان – شاعىن مەملەكەتتەن، ياعني  وتباسىنان باستالادى. وتباسىنىڭ ىنتىماق-بىرلىگى – قوعامنىڭ بايلىعى. بۇگىنگى شارادا باقتارىن  سىناۋعا كەلگەن بارشا ۇمىتكەرلەرگە ساتتىلىك تىلەيمىن، - دەدى «نۇر وتان» پارتياسى بقو  فيليالى ءتوراعاسىنىڭ ورىنباسارى گۇلناز قۇلجانوۆا.

بايقاۋعا قاتىسۋشىلار ءبىرىنشى بولىمدە وتباسىلارىن تانىستىرسا، ەكىنشى بولىمدە بي بيلەپ، ولەڭ ايتىپ  ونەرلەرىن ورتاعا سالدى.  سونداي-اق ءسالت-داستۇر بويىنشا سۇراقتارعا جاۋاپ بەرىپ، ءۇي تاپسىرماسىن  دا ورىندادى. بەينەفيلم ارقىلى   جەرديەۆتەر اۋلەتى سپورتسۇيەر وتباسى بولىپ  تانىلسا، ۇلتتىق ناقىشتا كيىنگەن يحسانوۆتار اۋلەتى ۇلتتىق ونەردىڭ ۇلىقتاۋشىسى رەتىندە  كوپشىلىك قوشەمەتىنە  يە بولدى.  ال ۇلىستىڭ ۇلى كۇنى - ناۋرىز مەيرامىنا قاتىستى سالت-داستۇرلەردى كورسەتكەن ماسانعالييەۆتەر وتباسى مەن  ادەمى اندەرىمەن ەرەكشەلەنگەن  امانقۇلوۆتار وتباسى  ۇيىمشىلدىعىمەن  كوپكە ۇلگى بولدى.

          بايقاۋ قورىتىندىسى بويىنشا ءبىرىنشى ورىندى  ماسانعالييەۆتەر وتباسى جەڭىپ السا، ەكىنشى ورىن امانقۇلوۆتارعا، ءۇشىنشى ورىن ورىنوۆتارعا بۇيىردى.

گۇلىم اقاپ،

باتىس قازاقستان وبلىسى