ەلباسى كونستيتۋسيالىق كەڭەستىڭ ءتوراعاسى يگور روگوۆتى قىزمەتىنەن بوساتتى، دەپ حابارلايدى Qamshy.kz اقپارات اگەنتتىگى اقوردانىڭ تۆيتتەردەگى پاراقشاسىنا سىلتەمە جاساپ.
ق ر پرەزيدەنتى كونستيتۋسيالىق كەڭەستىڭ ءتوراعالىعى لاۋازىمىنا قايرات ءابدىرازاق ۇلى ءماميدى تاعايىندادى.
قايرات ءابدىرازاق ۇلى ءمامي 1954 جىلى 9 مامىردا الماتى وبلىسى جامبىل اۋدانىندا دۇنيەگە كەلگەن.
قازاقستان رەسپۋبليكاسىنىڭ پرەزيدەنتى ن.ءا. نازاربايەۆتىڭ ۇسىنۋىمەن 2013 جىلعى 16 قازاندا ق. ءمامي قازاقستان رەسپۋبليكاسى جوعارعى سوتىنىڭ ءتوراعاسى بولىپ تاعايىندالدى.
ۋريەۆ (اتىراۋ) وبلىستىق سوتىنىڭ، الماتى قالالىق سوتىنىڭ ءتوراعاسى بولىپ جۇمىس ىستەدى. 1990 ج. – قازاق كسر جوعارعى سوتىنىڭ مۇشەسى. 1995 ج. ق ر جوعارعى سوتىنىڭ قىلمىستىق ىستەر القاسىن باسقاردى. 1999-2000 جىلدارى ق ر ادىلەت ۆيسە-مينيسترى،
ق ر پرەزيدەنتى اكىمشىلىگى باسشىسىنىڭ ورىنباسارى قىزمەتتەرىن اتقاردى. 2000 جىلدان باستاپ ق ر جوعارعى سوتىنىڭ ءتوراعاسى، 2009 جىلدان باستاپ – ق ر باس پروكۋرورى، 2011 جىلدان باستاپ ق ر پارلامەنتى سەناتىنىڭ ءتوراعاسى بولىپ جۇمىس ىستەدى.
تمد-نىڭ جوعارى تورەلىك سوتى مەن جالپى سوتتارى ءتوراعالارى كەڭەسىنىڭ تەڭ ءتوراعاسى، تمد ەكونوميكالىق سوتى پلەنۋمىنىڭ مۇشەسى، حالىقارالىق زاڭگەرلەر وداعى (ماسكەۋ ق.)ءتوراعاسىنىڭ ورىنباسارى بولىپ تابىلادى. قازىرگى كەزدە دۇنيەجۇزىلىك زاڭگەرلەر قاۋىمداستىعىنىڭ مۇشەسى، ەۋرازەق پاا ءتوراعاسى.
ونىڭ جەتەكشىلىگىمەن «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋسيالىق زاڭى، «قازاقستان رەسپۋبليكاسىنىڭ جوعارى سوت كەڭەسى تۋرالى»، «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى»، «ارالىق سوتتار تۋرالى»، «پروكۋراتۋرا تۋرالى»، «قۇقىق قورعاۋ قىزمەتى تۋرالى» زاڭدار جانە سوتتاردىڭ قۇقىق قولدانۋ تاجىريبەسىندەگى وزەكتى ماسەلەلەر جونىندەگى جوعارعى سوتتىڭ نورماتيۆتىك قاۋلىلارى ازىرلەندى.
سوت سانكسياسى بويىنشا قاماۋعا الۋ، سونداي-اق ارناۋلى ەكونوميكالىق جانە يۋۆەنالدى سوتتار مەن القا بيلەر سوتىن قۇرۋعا بايلانىستى زاڭنامالىق اكتىلەردى ازىرلەۋگە جانە تاجىريبەگە ەنگىزۋگە تىكەلەي قاتىستى.
ق ر باس پروكۋرورى بولعان كەزدە قۇقىق قورعاۋ جۇيەسى قىزمەتىنىڭ ساپاسىن ارتتىرۋدى، قۇقىق قورعاۋ ورگاندارىنىڭ ءوزارا ءىس-قيمىلىن ۇيلەستىرۋدى جاقسارتۋدى قامتاماسىز ەتتى. قازاقستان پروكۋرورلارى قاۋىمداستىعىن قۇرۋ تۋرالى باستاما كوتەردى. قازىرگى كەزدە باس پروكۋراتۋرا حالىقارالىق پروكۋرورلار قاۋىمداستىعىنىڭ تولىققاندى مۇشەسى بولىپ تابىلادى.
ق. ءماميدىڭ سوتتاعى كوپ جىلعى تاجىريبەسىنە نەگىز بولعان جۇمىسىنىڭ ناتيجەسىندە قازاقستانداعى سوت جۇيەسى مەن سوت بيلىگىنىڭ قۇرىلۋىنا جانە قالىپتاسۋىنا بايلانىستى التى مونوگرافيا، ونشاقتى عىلىمي جۇمىس جازىلدى.
«پاراسات» (2003)، II دارەجەلى «بارىس» (2011) وردەندەرىمەن، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001)، «قازاقستان كونستيتۋسياسىنا 10 جىل» (2005)، «قازاقستان رەسپۋبليكاسىنىڭ پارلامەنتىنە 10 جىل» (2006)، «استانانىڭ 10 جىلدىعى» (2008)، «قازاقستان رەسپۋبليكاسىنىڭ پروكۋراتۋراسىنا 20 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل» (2011)، «مپا سنگ. 20 لەت» (2012) مەرەيتويلىق مەدالدارىمەن ماراپاتتالدى.
«قۇرمەتتى سۋديا» قۇرمەتتى اتاعىنا، «ءۇش بي»، «سوت جۇيەسىنىڭ قۇرمەتتى قىزمەتكەرى» كەۋدە بەلگىلەرىن يەلەندى.
ۇلتتىق «KazRATING» رەيتينگ اگەنتتىگى مەن «ليتەر Media» كومپانياسى بىرلەسىپ جۇرگىزگەن جىل سايىنعى رەسپۋبليكالىق «جىل ساياساتكەرى» كونكۋرسىنىڭ (2008) ناتيجەسى بويىنشا ق.ءمامي سارابدال ساياساتكەر بولىپ تانىلدى.
