مونتەرەيگە يادرولىق قارۋدى تاراتپاۋ جونىندەگى دجەيمس مارتين ورتالىعىنداعى شىعىس-ازيالىق باعدارلاماسىنىڭ ديرەكتورى دجەففري ليۋيس كورەي تۇبەگىندەگى باستالۋى مۇمكىن جانجالدىڭ سەنارييىن جازدى.

ءليۋيستىڭ ويىنشا، 2019 جىلدىڭ ناۋرىزىندا بىتپەيتىن بۇلتارىستاردان قاجىعان سولتۇستىك كورەيا ءوز شەكاراسىنداعى ازاماتتىق ۇشاقتى امەريكالىق بومبالاۋشى دەپ ويلاپ، قۇلاتىپ تۇسىرەدى. بۇل تۋرالى Lenta.ru جازدى.

بۇعان جاۋاپ رەتىندە وڭتۇستىك كورەيا پرەزيدەنتى مۋن چجە ين ىرگەلەس اۋماقتىڭ نىساندارىنا سوققى جاساۋعا بۇيرىق بەرەدى.

سول ۋاقىتتا اقش پرەزيدەنتى ترامپ ءوزىنىڭ تۆيتتەردەگى پاراقشاسىنا «كىشكەنتاي زىمىران-ادام ۇزاققا بارمايدى» دەپ جازادى. مۇنى پحەنيان تىكەلەي قوقان-لوقى دەپ ءتۇسىنىپ، يادرولىق قارۋ تاستاۋعا نۇسقاۋ بەرەدى.

ولاردىڭ كەيبىر بولىگى ماقساتقا جەتكىزبەيدى، الايدا قالعان بولىگىنىڭ جاپونيا مەن وڭتۇستىك كورەياعا سوققى جاساۋعا مۇمكىندىگى بار. ءوز كەزەگىندە اقش كحدر-عا باستىرمالاتا سوققى جاسايدى. ال كيم چەن ىن قالعان زىمىرانداردى جىبەرۋگە بۇيىرادى. ناتيجەسىندە سان-ديەگو، پەرل-حاربور، نيۋ-يورك جانە ۆاشينگتونداعى اسكەري بازالار جارىلادى.

مانحەتتەنگە تىكەلەي جىبەرىلگەن زىمىران سالدارىنان ميلليونداعان ادام كوز ءجۇمادى، ۆاشينگتوندا 300 مىڭداي ادام قىرىلادى. ترامپ فلوريداداعى جەر استى بۋنكەرىندە جاسىرىنىپ، امان قالادى. كيم چەن ىننىڭ دەنەسى ۇيىندە ءولى تابىلادى، سەبەبى ول وزى-وزىنە قول جۇمسايدى.

5 قازاندا پحەنياننىڭ جانجال جاعدايىنداعى سەۋل مەن توكيوعا جاساعان يادرولىق سوققىسى  2 ميلليون ادامنىڭ ءومىرىن جالماۋى مۇمكىن ەكەنى حابارلانعان. ساراپشىلار كحدر-دىڭ بالليستيكالىق زىمىراندارعا ارنالعان 25 يادرولىق وقتىعى بار ەكەنىن ايتىپ، ءبارىنىڭ ءبىر ۋاقىتتا قولدانىلاتىنىن ەسكەرتكەن.