ساۋد ارابيادا قىزىن ءبىر ۋاقىتتا ەكى رەت ۇزاتقان اكەنىڭ ۇستىنەن قىلمىستىق ءىس قوزعالدى، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

ساۋديالىق پروكۋراتۋرانىڭ مالىمەتى بويىنشا، ءتارتىپ بۇزۋشى ازامات ءبىرىنشى كۇيەۋ جىگىتپەن كەلىسىپ، توي جاساعان. جاستار 2 اي بىرگە تۇرعاننان كەيىن، كۇيەۋ جىگىت جۇمىس بارىسىمەن باسقا قالاعا كەتىپ، قالىڭدىق اكەسىمەن بىرگە تۇرۋعا ءماجبۇر بولادى.

ءبىر كۇنى دجيددە قالاسىندا بەلگىلى ءبىر جۇمىستارىمەن جۇرگەن كۇيەۋ جىگىت ءوز ايەلىنىڭ باسقا بىرەۋگە كۇيەۋگە شىعىپ جاتقانىن ەستيدى. سول ۋاقىتتا جاس جۇبايلاردىڭ نەكەسى بۇزىلماعان ەدى. كەيىن كۇيەۋ جىگىت ايەلىنە ۇيلەنگەن جىگىتكە حابارلاسىپ، بارلىق جاعدايدى تۇسىندىرەدى. وسى ارالىقتا ءبىرىنشى كۇيەۋ جىگىتتىڭ ايەلى ەكىنشى كۇيەۋىمەن بىرگە تۇرعان. ەكىنشى كۇيەۋ جىگىت بۇل تۋرالى حابارسىز ەكەنىن ايتتى. 

كەيىن ەكى كۇيەۋ جىگىت قايىن اتاسىنىڭ ۇستىنەن ارىز جازدى. ءقازىر تەرگەۋ ىستەرى جۇرگىزىلىپ جاتىر.