بارشا قازاق ەلى ءۇشىن اسا ماڭىزدى، تاريحي ءمانى تەرەڭدە جاتقان تاۋەلسىزدىك كۇنىن ۇلىقتاپ جاتىر. بۇل ايتۋلى كۇن ءاربىر قازاقستاندىق ءۇشىن ەرەكشە مەيرام. 26 جىل بۇرىن قازاقستان ءوز تاۋەلسىزدىگىن الدى. 26 جىلدا ەلدىڭ الەۋمەتىك، ەكونوميكالىق، مادەني جانە ساياسي ومىرىندە كوپتەگەن وڭ وزگەرىستەرتەر، يگى باستامالار بولدى، ءتۇرلى سالادا زور جەتىستىكتەرگە جەتتىك.  دىڭگەگى بەرىك ەل قۇرىلدى.

تاۋەلسىزدىك كۇنى قارساڭىندا كوپتەگەن مەرەكەلىك ءىس-شارالار ۇيىمداستىرىلدى. زايىرلى ەل اتانعالى ءاربىر جەتكەن جەتىستىكتى، ىلگەرىلەۋدى، دامۋدى ساراپتاپ، باعالاۋ ءۇشىن جىلدا ءبىر توپ ەل اعالارى ماراپاتتالادى. ەلباسى نۇرسۇلتان نازاربايەۆ تاۋەلسىزدىك كۇنى قارساڭىندا قازاقستاننىڭ مادەني، رۋحاني، الەۋمەتتىك جانە ساياسي ومىرىنە، سونىمەن قاتار عىلىم ءبىلىم سالاسىنا ەڭبەك سىڭىرگەن، ءوز سەپتىگىن تيگىزگەن وتانداستىرىمىزدى ماراپاتتايدى. ءبىلىم مەن ەلگە دەگەن شەكسىز ماحابباتپەن قارۋلانعان قايراتكەرلەر قازاقستاننىڭ دامۋ جولىندا ايانباي تەر توگۋ ءۇشىن جاڭا كۇش الادى.  

جىلدا ءبىر توپ قازاقستاندىق 16-شى جەلتوقساندا قۇربان بولعان جالىنداعان جاستاردى ەسكە الادى. ولارعا ارناپ قۇران باعىشتالىپ، جەلتوقسان قۇرباندارىنا ارنالعان ەسكەرتكىشكە گۇل شوقتارىن قويادى.

وسى ءبىر بارشا قازاق ەلى ءۇشىن قۋانىشتى، ءبىر ۋاقىتتا ىزعارلى قىس مەزگىلىندە 16-شى جەلتوقساندا بولعان جەلتوقسان وقيعاسى جۇرەككە مۇڭ ۇيالاتادى. جىلدا تاۋەلسىزدىك كۇنى قىس تا قاھارىنا ءمىنىپ اۋا-رايى باسقا كۇندەردەن ىزعارلى بولاتىن سەكىلدى.

وتكەن كۇننەن بەلگى بار دەمەكشى، قازاقستان تاريحىندا باقىتتى، قۋانىشتى، سول ۋاقىتتا قايعىلى كۇن رەتىندە قالعان 16-شى جەلتوقساندى ەندى تەك بەيبىت ەلدە ۇلىقتايمىز دەگەن سەنىم بار.  

ۇلتتىق دەڭگەيدە تويلاناتىن تاۋەلسىزدىك مەيرامىندا قازاقستاندىقتار  16،17،18،19 جەلتوقساندا دەمالادى.