قازاق ەستراداسىنا جاڭا دۋەت كەلدى. بالالارعا ارنالعان «ايگولەك» بايقاۋىنىڭ جۇرگىزۋشىسى نازىم ءابىلدينا مەن جاس ءانشى ەركەش حاسەن ۇلكەن ساحناعا قانات قاقتى. بۇداي بىلاي ەركەش پەن نازىم دۋەت بولىپ ونەر كورسەتەدى.
ەركەش جاڭا جوبانىڭ جۇمىسىنا تۇبەگەيلى بەت بۇرىپ، استانا قالاسىنان الماتى قالاسىنا قونىس اۋداردى. ءقازىر دۋەت جاڭا اندەرىن جازىپ، ساحنالىق وبرازدارىن دايىنداۋ ۇستىندە.
دۋەتتىڭ پروديۋسەرى «ايگولەك» بايقاۋىنىڭ جەتەكشىسى عاليا بايبوسىنوۆا. ال «داۋىس International» توبىنىڭ ءانشىسى بولعان ايشا بايبوسىنوۆا جاستارعا كومەك بەرىپ، ۆوكالدان ءدارىس بەرۋدە.
ەستەرىڭىزدە بولسا، ەركەش وسىدان بىرنەشە جىل بۇرىن رەسەيدىڭ «1-ارناسىندا» «مينۋتا سلاۆى» باعدارلاماسىنا قاتىسىپ، بارشا جۇرتشىلىقتى تانقالدىرعان بولاتىن. بايقاۋ بارىسىندا رەسەيدىڭ اتاقتى انشىلەرىمەن بىرگە ونەر كورسەتىپ، بايقاۋدىڭ ۇيىمداستىرۋشىلارىن ءتانتى ەتتى. ناتيجەسىندە فيناليست اتاندى.
جاڭادان ەسترادامىزعا اياق باسقان جاس تالانتتارعا ساتتىلىك تىلەيمىز!
"Baistars.kz"
پىكىر قالدىرۋ