وتكەن جىلدىڭ ءساۋىر ايىندا جۇرتشىلىققا تانىمال ءانشى سايات مەدەۋوۆ الماتى وبلىسى، قاراساي اۋدانىنىڭ №14 وكرۋگىنە ءماسليحات دەپۋتاتى بولىپ سايلانعان ەدى.
9 ايدان بەرى دەپۋتاتتىق قىزمەتتە جۇرگەن ءانشى تىندىرىمدى ىستەرى تۋرالى جاريا ەتكىسى كەلمەدى. تاعى ايتا كەتەتىنى سايات مەدەۋوۆ دەپۋتاتتىق مانساپقا لايىق ەمەستىگىن ايتىپ كەتتى دەپ حابارلايدى Qamshy.kz اقپارات اگەنتتىگى قازاق راديوسىنا سىلتەمە جاساي وتىرىپ.
«بۇل مەنىڭ ورنىم ەمەس، ءبىراق امالدىڭ جوقتىعىنان جۇرگەن جايىم بار. مەن سايلانعان كەزدە نەشە ءتۇرلى سوزدەر بولدى. "اقشاسى تاۋسىلعان عوي. حالىقتى قانايىن دەگەن عوي. حالىقتى جەيىن دەگەن عوي" - دەگەن سياقتى نەبىر اڭگىمەلەر بولدى. سول كەزدە مەنى تاعايىنداعان ماحاببات اعاعا دا حابارلاسىپ: «اعا، مەنى بەكەر ۇسىندىڭىز عوي»، دەدىم. سوندا ول، دوسىمسىڭ عوي، دوسىم بولساڭ شىدا دەپ، قىسقا قايىردى. امال جوق، ەندى شىداپ ءجۇرمىن. ءوزىنىڭ قيىندىقتارى بار. وڭاي دۇنيە جوق. كەلە سالىپ مىنانى قوپارىپ جىبەرەمىن دەگەن، اعىسقا قارسى جۇزگەنمەن بىردەي»، - دەيدى ءانشى.
ق ر ەڭبەك سىڭىرگەن قايراتكەرى ءوزى قاراساي اۋدانىنىڭ تۇرعىنى. سوندىقتان، ءانشىنى ەل ىشىندەگى وزەكتى ماسەلەلەردى بىلەتىن بولعاندىقتان، وسى ورىنعا ۇسىنعان ەكەن.
