ابىلاي سۇلتان بوپ تۇرعان كەزىندە تاڭ اتا ءتۇس كورىپ، شوشىپ ويانادى. ۇزاق تەبىرەنىپ وتىرىپ ءتۇسىن جورۋ ءۇشىن بۇقار جىراۋدى الدىرادى. قوناقتى كۇتىپ بولىپ،اقىرىن ءتۇسىن ايتىپ بىلاي دەپ باياندايدى.
تابىتتا جاتىر ەكەنمىن، باسىمدا ءۇش توبىر جۇرت تۋعا تالاسىپ جاتىر ەكەن.وڭ جاعىمدا ايداھار ىسقىرىپ، سول جاعىمدا ايۋ اقىرىپ مازامدى الىپ جاتىر. باس جاعىمدا ۋاليدەن تاراعان ءبىر ۇرپاعىم قۇران وقىپ جاتسا، اياق جاعىمدا قاسىمنان تاراعان ءبىر ۇرپاعىم قىلىشىن جالاڭداتىپ مەنى قورعاپ تۇر ەكەن.ال مەن بولسام ءولىپ بارا جاتسام دا، ەكى جاعىمداعىنان قالاي قۇتىلسام ەكەن دەپ جانتالاسۋدامىن. وسىنى جورىپ بەرىڭىزشى دەيدى عوي.
سوندا بۇحار جىراۋ تەرەڭ ويلانىپ وتىرىپ، كۇرسىنىپ بىلاي دەگەن ەكەن.
قىرىققا كەلمەي تابىتتا جاتساڭ، كوپ ۇزاماي ءۇش جۇزگە حان بولادى ەكەنسىڭ. حان اتىنا يە بولساڭ دا، حالقىڭا يە بولا المايدى ەكەنسىڭ، سەن ولگەن سوڭ ءۇش جاققا تاراپ كەتەدى ەكەن.تۋعا تالاسۋى سونىڭ بەلگىسى. ال ەلىڭنىڭ ەكى بۇيىرىندەگى الىپ ەكى ەلگە (رەسەي، جۇڭگو) جالتاقتاۋمەن وتەدى ەكەنسىڭ. ال باس جاعىڭدا وتىرعان ۋاليدەن تاراعان ءبىر ۇرپاعىڭ (شوقان ۋاليحانوۆ) اتىن قاعازدا، اياق جاعىڭدا قىلىشىن جالاڭداتقان قاسىمنان تاراعان ءبىر ۇرپاعىڭ (كەنەسارى قاسىم ۇلى) اتىن مايداندا قالدىرادى ەكەن دەيدى. ابىلاي سوندا: مەن ءوزىم قايدا قالامىن : ءىسىڭدى ەل ۇناتسا ءۇش ءجۇزدىڭ جۇرەگىندە قالاسىڭ دەيدى. "حالقىما ادال قىزمەت ەتەمىن"،-  دەپ ورنىنان قارعىپ تۇرىپ، شاپانىن سەرپىپ تاستاپ جۇرە بەردى ابىلاي.

اراي ورازوۆ