كەشە ق ر ەنەرگەتيكا ءمينيسترى شكولنيكتىڭ ماجىلىستە جاساعان بايانداماسىندا ءمينيستردىڭ اۋزىمەن ايتىلعان ءسوز ەلىمىزدىڭ ەكونوميكالىق دامۋ زاڭدىلىقتارىنا قايشى!ول ءبىر سوزىندە "رەسەيدەن ارزان جانارماي اكەلسەك، ول ءبىزدىڭ نپزلاردىڭ جاعدايىن اۋىرلاتادى" دەدى. بۇل ءسوزدى ەكى جاعىنان قاراستىرۋعا بولادى. بىرىنشىدەن، الەمدە مۇنايدىڭ وزىندىك قۇنىنىڭ ارزانداۋىنا بايلانىستى رەسەيدە جانارماي ارزاندادى. ءبىر قىزىعى وسى جانارمايدى رەسەيدەن تاسىمالداپ اكەلگەننىڭ وزىندە ول ءبىزدىڭ وسى كۇنگى جانارماي باعاسىنان (109) ارزان بولادى ەكەن. ونداي ارزان جانارمايدى قازاقستانعا اكەلۋگە شكولنيك نەگە قارسى! رەسەيدىڭ ارزان جانارمايى كەلسە، بىلتىر ەگىندەرى قار استىندا قالعان ەگىنشىلەرگە ءبىراز جەڭىلدىك بولادى. ەكىنشىدەن، ساۋداداعى ازىق-تۇلىك، تاۋارلاردىڭ، كوكونىستەردىڭ باعالارى تومەندەيدى. ويتكەنى بۇرىنعى باعالاردان تاسىمال قۇنىن ازايتۋعا تۋرا كەلەدى. ياعني، رەسەيدىڭ ارزان جانارمايىنىڭ قازاقستانعا كەلۋى ەلدىڭ الەۋمەتتىك جاعدايىن جاقسارتۋعا ىقپال ەتۋى مۇمكىن. مىنە، وسى تۇرعىدان كەلگەندە شكولنيكتىڭ پارلامەنتتەگى ءسوزى ەكونوميكالىق دامۋ زاڭدىلىقتارىنا قايشى! بۇل ءبىر. ەكىنشىدەن، ءبىز الەمدەگى ءىرى مۇناي وندىرۋشىلەردىڭ ءبىرىمىز. سولاي دەسەك تە، قازاق مۇنايىنىڭ شەتەلگە، رەسەيگە جانە باسقا ەلدەرگە وتە ارزان باعامەن ساتىلۋى كوڭىل كونشىتپەيدى. ءسويتىپ وتىرىپ، رەسەي نپزلارى ءقازىر وتە تومەندەتىلگەن باعامەن جانارماي شىعارىپ جاتىر. ال، قازاقستاندىق نپزلاردىڭ وتە جوعارى باعادا جانارماي ساتۋىنا نە سەبەپ؟ ۇكىمەتكە قازاق نپزلارىنىڭ ارزان باعامەن مۇناي الىپ وتىرىپ، نەگە قىمبات جانارماي شىعارىپ وتىرعانىن تەكسەرۋ قاجەت! ءسويتىپ، شكولنيك رەسەيدەن بىزدەگىدەن كوپ ارزان جانارمايدىڭ اكەلىنۋىنە نەگە قارسى، قازاقستانداعى نپز لار ارزان مۇناي الىپ وتىرىپ، نەگە قىمبات جانارماي شىعارۋعا مۇددەلى! وسى ماسەلەلەر ماجىلىستە قارالعانى ءجون اق ەدى!

جۇمات انەس ۇلى