استانا. 28 قاڭتار. Qamshy.kz – قىتايدا قازاق مادەنيەتى فەستيۆالى وتەدى دەپ حابارلايدى «حالىق تورابى» ينتەرنەت پورتالى. 30-31 قاڭتار كۇندەرى التاي ايماعىنىڭ ارالتوبە قالاشىعىندا وتكىزىلەتىن فەستيۆال اياسىندا ەڭ باستىسى مادەني شارالار رەتىندە قازاق توبەتىن باعالاۋ جانە قۇس سالۋ (ساياتشىلىق) جارىسى وتكىزىلەمەك. شارا اياسىندا قازاقى توبەتتەر باعالانىپ، «ەگەيلەرى» ەل نازارىنا ۇسىنىلماق. ساياتشىلىق جارىسى بۇركىتتى شىرعاعا شاقىرۋ شەبەرلىگى، ساياتشىلىق كيىم مادەنيەتى، ات-ابزەلدەرى دە باعالانباق. سونىمەن قوسا، مادەني فەستيۆال اياسىندا قازاق قۇسبەگىلىك ونەرى جايىندا عىلىمي كونفەرەنسيا ءوتىپ، شارانىڭ سوڭىندا كوكپار تارتىلىپ، ۇلتتىق بۇيىمدار، ۇلتتىق ازىق-تۇلىكتەر جارمەڭكەسى وتكىزىلمەك. قىران قۇس ءتىرى اڭعا سالىنىپ، ولجا باسەلەستىرىلىپ ساتىلماق. الىستا جاتسا دا، اتا سالتىن ساقتاپ، بەكزات بولمىسىن جوعالتپاۋعا تىرىسىپ، اۋىق-اۋىق اتاجۇرتقا وي سالىپ جۇرگەن قانداستارىمىزدىڭ ءاربىر قادامىنا ساتتىلىك پەن باق-بەرەكە تىلەدىك.