قازاق فەيسبۋگىنىڭ ايتپاعان ءسوز، شيىرلاماعان تاقىرىپ، تىمىسكىلەنبەگەن جەرى قالماعان-اۋ... ءجون دەلىك. بۇگىنگى قازاق فب-سىنان "الىنە قاراي جۇگىرگەن" الۋان جۇيرىكتىڭ ءۇنىن ەستيسىڭ. بىرەۋلەر ەل مۇراتىن مۇڭداپ "بوزداسا"، بىرەۋلەر قارا باسىنىڭ قامىن ويلاپ "ۇليدى". الدەكىم (تەكتىلىكتىڭ جۇقاناسى بار بولۋ كەرەك) ادامدىق بەكزات بولمىس ىزدەپ "كىسىنەيدى"، ەندى ءبىرى ورىسقا قاراپ "قىڭسىلاپ"، قازاققا قاراپ "ۇرەدى". تاعى بىرەۋلەر باتىسقا قاراپ "اڭىرايدى"، ونى جاقاتپاعاننىڭ كەيبىرى ارابقا، ءبازبىرى تۇرىككە جاپاقتاپ "موڭىرەيدى"... قالعانىندا ءۇن جوق. دەمەك، مەن تانىعان قارا قازاقتىڭ تالعامسىزى كوپ...

قازاق قارلى بوراندا ىققان قويداي ءيىرىلىپ تۇر. قاي داۋىس كەپ قايىرىپ، تىقسىرىپ ايداسا، سونىڭ قوراسىنا كىرىپ ىقتاماق. ودان كەيىن ولار وزدەرى قالاعان ورىسكە ورگىزەدى دەگەن ءسوز. بۇيىرتسا ولار 15-20 جىلدان كەيىنگى قازاقتار. ال، انا ۇندەردىڭ قاي-قايسىسى وسى مەجەگە ۇمتىلىپ وتىر. دەمەك، بۇگىننەن باستاپ قام قارەكەتكە كوشىپ، ءوز ءۇنىمىزدى تاۋىپ الايىق...

ال، "ماڭگىلىك ەلدە" كىمنىڭ ءۇنى قالار ەكەن؟! ويلان، شىراق!

(ورازبەك ساپارحاننىڭ فب پاراقشاسىنان)