ءورىستىلدى ورتاعا تانىمال، الايدا ءقازاقتىلدى اۋديتورياعا بەيتانىس بيزنەسمەندەردىڭ قاراسى قالىڭ. ءبىرى الەۋمەتتىك جەلىدە تانىمال بولسا، ەندى ءبىرى ءوز ورتاسىندا، ياعني كاسىپكەرلەر اراسىندا بەدەلدى.

Qamshy.kz اقپارات اگەنتتىگى ەلىمىزدەگى ءورىستىلدى اۋديتورياعا بەلگىلى بيزنەسمەندەردىڭ ءتىزىمىن ۇسىنادى. اقشانى وزىنە جۇمىس ىستەتە بىلگەن تۇلعالاردىڭ ىشىندە قارا جۇمىستان باستاعاندار دا، مۇراگەرلىكپەن اكە جولىن جالعاعاندار دا بار.

قايرات قۇدايبەرگەن

قۇرامىنا ءۇش قۇرىلىس كومپانياسى، IT كومپانيا  كىرەتىن Q3 Worldwide حولدينگىنىڭ نەگىزىن سالۋشى. قاراپايىم اۋىل بالاسى ءوز ەڭبەگىنىڭ ارقاسىندا جەتىستىككە جەتىپ، ءىرى بيزنەسمەن اتاندى.

سونىمەن قاتار قايرات قۇدايبەرگەن  قايىرىمدىلىقپەن دە اينالىسادى. اقتوبەدەگى سۋ تاسقىنىندا زارداپ شەككەن وتباسىعا پاتەر سىيلاپ، ەلدى ەلەڭ ەتكىزگەن بولاتىن.

ءوزىنىڭ Instagram پاراقشاسىن كوبىنەسە ورىس تىلىندە جۇرگىزەدى.

ەرجان راشيەۆ

بلوگەر جانە تەلەجۇرگىزۋشى. Thomson Reuters كومپانياسىنىڭ قازاقستانداعى ايماقتىق مەنەدجەرى. بۇل كومپانيا قارجىلىق ۇيىمدارعا، ءىرى كورپوراسيالارعا، ونىڭ ىشىندە ۆاليۋتا نارىعىندا، قور بيرجالارىندا ساۋدا جاسايتىن مۇناي-گاز كومپانيالارىنا اقپاراتتىق-اناليتيكالىق قىزمەتتەردى ساتادى.

ەرجان راشيەۆ Facebook جەلىسىندە تانىمال. ونىڭ 30 مىڭنان استام وقىرمانى بار. ءوزىنىڭ بلوگتارىن ورىس تىلىندە جۇرگىزەدى.

ارمانجان بايتاسوۆ

بيزنەسمەن، «مەگاپوليس» ، «بيزنەس ي ۆلاست» گازەتتەرىنىڭ نەگىزىن سالۋشى، 31 ارنانىڭ نەگىزىن قالاۋشى جانە جەتەكشى ىسكەرلىك «Forbes Kazakhsatan» باسىلىمنىڭ باسپاگەرى، United Media Group باسشىسى، كاسىبي جۋرناليست، Young Presidents Organization مۇشەسى.

Muzzonە، نبت (بىشكەك، قىرعىزستان) تەليەۆيزيالىق كانالدارىنىڭ تولىققاندى يەسى.

مەديا سالاسىندا جەتىستىككە جەتىپ جۇرگەن بيزنەسمەن رەتىندە ءمالىم.

بەيبىت الىبەكوۆ

قازاقستان تەلەراديو حابارلارىن تاراتۋ قاۋىمداستىعىنىڭ جەتەكشىسى، Bentley Kazakhstan كلۋبىنىڭ نەگىزىن قالاۋشى. قۇرامىندا بىرنەشە تانىمال جۋرنال، تەلەارنا، راديو، اگەنتتىك جانە ساندىق اگەنتتىكتەرى بار First Media Group مەديا حولدينگىنىڭ باسشىسى.

Hacket London اعىلشىن برەندىنىڭ جانە Vertu ءساندى گادجەتتەرىنىڭ امباسسادورى.

اسقار بايتاسوۆ

ەلىمىزدەگى الدىڭعى قاتارلى مەيرامحانالار جەلىسى سانالاتىن AB Restaurants كومپانياسىنىڭ ديرەكتورى. ءوز بيزنەسىن وتباسىلىق مەيرامحانادا بارمەن بولىپ باستاعان. بىرنەشە جىلدان كەيىن «كوفەمانيا»، Del Papa يتاليان اسحاناسى مەن «كرۋجكا» بارىن، «دارەدجاني» گرۋزين اسحاناسىن اشقان. ال AB Restaurants-تىڭ جىلدىق تابىسى – 6-7 ملرد تەڭگە.

نۇرلان سماعۇلوۆ

تانىمال بيزنەسمەن، جاڭا زەلانديانىڭ قازاقستانداعى قۇرمەتتى كونسۋلى، مەسەنات.

قۇرامىنا «استانا موتورس» پەن Mega Development كىرەتىن Astana Group كومپانياسىنىڭ يەسى.

قازاقستانداعى Hyundai اۆتوموبيلدەرى مەن كوممەرسيالىق تەحنيكاسىنىڭ رەسمي ديستريبيۋتورى، قازاقستانداعى Subaru رەسمي ديستريبيۋتورى، قازاقستانداعى BMW، Mini، Rolls-Royce ەكسكليۋزيۆتى يمپورتشىسى.

دينارا ءساتجان

بەلگىلى تەلەجۇرگىزۋشى، استاناداعى Monoco ءقوناقۇيىنىڭ يەسى، وتاندىق ديزاينەرلەردىڭ دۇكەندەر جەلىسىنىڭ يەسى، Jaguar Land Rover برەندىنىڭ قازاقستانداعى امباسسادورى.

2017 جىلى Qazakhstan رترك باسقارما ءتوراعاسىنىڭ كەڭەسشىسى لاۋازىمىنا تاعايىندالدى.

«ميسسيس قازاقستان – 2009» اتانعان دينارا ءساتجان بۇگىندە ءبىر ۇل، ءبىر قىز تاربيەلەپ وتىر.

سەرىكباي بيسەكەيەۆ

بەلگىلى بيزنەسمەن، تالىمگەر، Arman Holdingء-تىڭ نەگىزىن قالاۋشى جانە پرەزيدەنتى.

حولدينگ ەنەرگەتيكا جانە تەلەكوممۋنيكاسيا سالاسىنداعى ينتەگراسيالىق شەشىمدەردى دايىنداۋشى جانە جەتكىزۋشى قىزمەتتەردى اتقارادى.

حولدينگتىڭ رەسەي، سينگاپۋر، گەرمانيا، ءباا مەن ءۇندىستان سياقتى ەلدەردە وكىلدىكتەرى مەن ونىمدەرى بار.

بيزنەسمەن  ءوزىنىڭ جەتىستىككە جەتۋ جولىن «ءبارى دە ءوز قولىڭدا» كىتابىندا جازعان.

قۋانىش شونباي

قازاقستاندىق تانىمال رەستوراتور، «Rumi Group» مەيرامحانالار جەلىسىنىڭ يەسى.

سوڭعى 2،5 جىلدا 10 مەيرامxانا اشقان كاسىپكەر «ەكىنشى بولما» كىتابى ارقىلى قازاق ءتىلدى ورتاعا دا تانىلا باستادى.

تۇرسىن الاگوزوۆ

1998 جىلى GALANZ bottlers نەگىزىن قالاعان. ال ەڭ اتاقتى ءونىمى – Maxi Tea. الماتىداعى «انالار  ءۇيى» قورىنىڭ قامقورشىسى.

تۇرسىن الاگوزوۆ بەلگىلى پروديۋسەر بايان ماقساتقىزىمەن وتباسىن قۇرعان.