تۇركيادا جاتتىعۋدا جۇرگەن قىتايدىڭ وليمپيادا قۇراماسى ارمەنيانىڭ 21 جاسقا دەيىنگى ۇلتتىق قۇراماسىمەن كەزدەسىپ، ولاردى 4:0 ەسەبىمەن جەڭدى. فۋتبولدا قازاقستان سياقتى جولى بولا بەرمەيتىن قىتايلىقتاردىڭ بۇل جەڭىسى ءتاپ-تاۋىر ناتيجە. ونىڭ ۇستىنە ولار ارمەنيانى جەڭىپ وتىر. الايدا، ءبىزدىڭ ايتپاعىمىز بۇل ەمەس. اڭگىمە قىتايدىڭ وليمپيادالىق فۋتبول قۇراماسىنا قابىلدانعان قىتايلىق قازاق قانداسىمىز جايلى بولماق. ول – ەرجەت ەرزات ۇلى. ارمەنيامەن بولعان ويىندا ءوز قۇرامسىن جەڭىسكە جەتەلەپ، تاماشا ويناعان ەرزات جۇڭگو قاقپاسىن گولدان امان ساقتادى. قۇرامانىڭ نەگىزگى قاقپاشىسى بولعان ەرجەت، ارميانداردىڭ تەپكەن دوبىن ۇستاپ، شابۋىلشىلارىن ابدەن الەككە سالدى. ەستەرىڭىزدە بولسا ەرجەت 2009-جىلى قازاقستان پرەزيدەنتى كۋبوگىندا ەرەكشە ونەرىمەن كوزگە ءتۇسىپ، «كورەرمەن كوزايىمى» اتانعان بولاتىن. سول ساتتەن باستاپ ەرجەتكە ەۋروپا كلۋبتارى ۇسىنىس جاساي باستادى. ءتىپتى، قىتايدىڭ پرەمەر-ليگاسىنداعى مىقتى كلۋبتاردا ۇسىنىس ءتۇستى. ءبىراق ەرجەت ەۋروپانى تاڭدادى. ءسويتىپ، پورتۋگاليانىڭ ءۇشىنشى ليگاسىنان ءبىراق شىقتى. ونى ءوز قاتارلارىنا قوسقان «Gondomar s.c» كومانداسى. ەرزات ەۋروپا الاڭدارىندا دوپ تەبەتىن تۇڭعىش شىنجاڭدىق فۋتبولشى. از ۋاقىتتىڭ ىشىندە پورتۋگالدىق ۇجىمنىڭ نەگىزگى قاقپاشىسى اتانعان ول ءوزىن جاقسى قىرىنان تانىتا ءبىلدى. سوعان وراي پورتۋگالدىق كلۋب وعان بەرەتىن سىياقىنى جوعارىلاتىپ، كەلىسىمدى تاعى ءبىر جىلعا سوزىپ، بيىلعى ماۋسىم ايىنا دەيىن ۇزارتقان بولاتىن.
جۇڭگو پرەمەر ليگاسىنداعى ءبىرقاتار كوماندالاردىڭ جاساعان ۇسىنىستارىنا قاراماي، پورتۋگاليانىڭ تومەنگى ليگاداعى كومانداسىن تاڭداۋىنىڭ سەبەبىن ول «ەۋروپادا ويناۋ — بۇرىننان بەرگى ارمانىم. سول ءۇشىن ەۋروپاعا بارامىن»، — دەپ تۇسىندىرگەن. ايتا كەتەيىك، پورتۋگالدىق «Gondomar s.c» كومانداسى 1921 جىلى قۇرىلعان. پورتۋ ايماعىنداعى Gondomar قالاسىندا ورنالاسقان. بۇل كوماندا بۇرىن پورتۋگاليانىڭ نەگىزگى ليگاسىندا ويناعان. كەيىن كەلىسىلگەن ماچتارعا قاتىسى بار دەگەن شەشىمنەن سوڭ تومەنگى ليگاعا تۇسىرىلگەن. ايتپەگەندە، ەرجەت پورتۋگاليانىڭ تومەنگى ديۆيزيونىندا ەمەس، «پورتۋ»، «بەنفيكا» سىندى مىقتى كلبۋتارعا قارسى وينار ەدى.
مۇرات الماسبەك ۇلى
