وڭتۇستىك كورەيانىڭ پحەنچحان قالاسى 1ء-شى اقپان كۇنى وليمپياداشىلارعا «وليمپياداعا قوش كەلدىڭىزدەر!» اتتى رەسمي شارا وتكىزەدى، دەپ حابارلايدى Qamshy.kz اقپارات اگەنتتىگى. 

بۇل تۋرالى اتالعان ەلدىڭ وليمپيادا ويىندارىن ۇيىمداستىرۋ كوميتەتى مالىمدەدى.  «وليمپيادا قالاشىعىنا قوش كەلدىڭىزدەر! اتتى ارنايى ءىس شارا 1 اقپان، ياعني بەيسەنبىدە جەرگىلىكتى ۋاقىت بويىنشا ساعات 14:00-دە باستالادى»، - دەپ جازادى وليمپيادا ويىندارىن ۇيىمداستىرۋ كوميتەتى.

ال قازاقستاندىق سپورتشىلاردىڭ العاشقى لەگى 1 اقپاندا پحەنچحانعا بارىپ ورنالاسا باستايدى. ال سوڭى 7ء-شى اقپانعا دەيىن جەتىپ بولۋى كەرەك.

ەستەرىڭىزگە سالا كەتەيىك، قازاقستان قۇراماسى وليمپياداعا 57 جولداما جەڭىپ الدى. قازاقستاندىق سپورتشىلار سپورتتىڭ توعىز تۇرىنەن سىنعا تۇسەتىن بولادى. وليمپيادا ويىندارى اقپاننىڭ 9-25 ارالىعىندا وتەدى.