بقو-دا بۇلدىرشىندەردىڭ 99،9 پايىزى شاعىن ورتالىقپەن قامتىلعان. بۇل تۋرالى قوعامدىق كەڭەس مۇشەلەرىنە بەرگەن ەسەبىندە بقو اكىمى التاي كولگىنوۆ ايتتى، دەپ حابارلايدى Qamshy.kz اقپارات اگەنتتىگى.

– ەگەر 2016 جىلى 24 قانا جەكە بالاباقشا بولسا، ءقازىر ول كورسەتكىش 43 بالاباقشاعا دەيىن كوبەيدى. سونىڭ ناتيجەسىندە 3 جاستان 6 جاسقا دەيىنگى بۇلدىرشىندەردى مەكتەپكە دەيىنگى ءبىلىم بەرۋ مەكەمەلەرمەن قامتۋ 99،9 پايىزعا. دەگەنمەن، بالاباقشا بىزگە ءالى دە قاجەت. بۇل باعىتتا جەكە كاسىپكەرلەردى تارتۋ ارقىلى مەملەكەت جانە جەكە سەرىكتەستىگى اياسىندا جۇمىستاناتىن بولامىز.

وبلىس مەكتەپتەرىندەگى ىستىق تاماقپەن قامتاماسىز ەتۋ كورسەتكىشى 95 پروسەنتتى قۇرادى. ينكليۋزيۆتى ءبىلىم بەرۋ مۇمكىندىگى شەكتەۋلى بالالاردىڭ 61 پروسەنتىن قامتىدى. ينتەرنەتكە وبلىستىڭ 380 مەكتەبى تولىق قوسىلسا، ونىڭ 330-ى كەڭجولاقتى ينتەرنەتپەن قامتىلعان، – دەدى وبلىس اكىمى التاي سەيدىر ۇلى.

وبلىستاعى مەكتەپتەردە 12 200-دەن استام ءمۇعالىم جۇمىس ىستەيدى. دەگەنمەن، 38 ءمۇعالىم جەتىسپەيدى. 2017 جىلى العاش رەت جەرگىلىكتى بيۋدجەت ەسەبىنەن 190 مەكتەپ تۇلەكتەرىنە ءبىلىم گرانتى بەرىلدى. سونىڭ ىشىندە بولاشاق مۇعالىمدەرگە 66 گرانت ءبولىندى.

بيىل ءبىلىم سالاسىنىڭ جاڭارتىلعان باعدارلاماسىنا سايكەس، باستاۋىش جانە ورتا سىنىپ مۇعالىمدەرىنىڭ جالاقىسى 30 پايىزعا دەيىن كوتەرىلمەك.