ءۇندىستاننىڭ ۋتتار-پرادەش شتاتىندا مۇسىلمان قىزدارعا ەرلەر فۋتبولىن كورۋگە تىيىم سالدى. بۇل تۋرالى The Times of India حابارلادى دەپ جازادى Qamshy.kz اقپارات اگەنتتىگى.

يسلام الەمىنىڭ ءىرى ءدىني جانە اكادەميالىق ورتالىقتارىنىڭ ءمۋفتيى اتار كاسمي ايەلدەرگە ەر ادامداردىڭ فۋتبول وينىن باقىلاۋعا بولمايتىنىن مالىمدەگەن. سەبەبى بۇل يسلام تالاپتارىنا قايشى كەلەدى-مىس. مۋفتي ءتىپتى تەلەديدارداعى فۋتبول وينىن ايەلدەرىنە كورۋگە رۇقسات بەرەتىن ەر ادامداردى سوككەن. «ار-ۇياتتان بەزدىڭدەر مە؟ قۇدايدان قورىقپايسىڭدار ما؟ ايەلدەرگە فۋتبول ماچتارىن كورۋ نەگە كەرەك؟ فۋتبولدى ەر ادامنىڭ ساندارىنا قاراپ وتىرۋ ءۇشىن كورە مە سوندا؟»،-دەپ مۋفتي  ءوزىنىڭ قارسىلىعىن ءبىلدىردى.

وسىعان قاراماستان مۇسىلمان ايەلدەردىڭ قۇقىعىن قورعايتىن بەلسەندىلەر مۇنداي مالىمدەمەگە قارسى شىقتى. «بۇل - ايەلدەردىڭ ەشقانداي دا سپورت ءتۇرىن كورۋگە بولمايدى دەگەن ءسوز عوي»،-دەيدى ولار.