الماتىدا كولىك رەفورماسىن جانە قوعامدىق كولىك جۇيەسىن تۇراقتاندىرۋ اياسىندا جىلجىمالى سوستاۆتى جاڭالاۋ جانە باعىتتار جەلىسىن ۇلعايتۋ جۇمىستارى جالعاسۋدا دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساپ. وسىعان وراي، بۇگىن ەۆرو-5 ەكولوگيالىق سىنىپتاعى تومەن ەدەندى جاڭا اۆتوبۋستار №124 بويىنشا جولعا شىقتى.

بۇرىندارى تاسىمالداۋشى تەحنيكالىق جاعدايى تومەن جىلجىمالى سوستاۆتىڭ ءتورت بىرلىگىن لينياعا جىبەرەتىن. وسىنىڭ سالدارىنان الاتاۋ اۋدانى تۇرعىندارىنان كوپ شاعىم تۇسكەن ەدى، ولقىلىقتىڭ ورنىن تولتىرۋ ءۇشىن ۇزىندىعى 12 مەترلى كونديسيونەرلەرمەن، ۆيدەوباقىلاۋ كامەرالارىمەن، پاندۋستارمەن جانە باسقالارىمەن جابدىقتالعان اۆتوبۋستار ۇيىمداستىرۋ تۋرالى شەشىم قابىلداندى.

بۇدان بىلاي 20 كولىك بىرلىگى ۆودنيك جانە گورنىي گيگانت ەلدى مەكەندەرىنە قىزمەت كورسەتەدى، ينتەرۆال 10 مينۋت. قوزعالىس جيىلىگىنىڭ جانە جاڭا اۆتوبۋستاردىڭ ارقاسىندا وسى باعىتتاعى جولاۋشىلار لەگى 2،5 ەسە ارتادى دەپ كۇتىلۋدە.

ەسكە سالساق، الماتىدا №69، 131، 115، 127، 12، 22، 70، 86، 65، 103، 50، 126، 112،22، 70، 86، 65، 103، 50، 126، 112 باعىتتارى بويىنشا جاڭا اۆتوبۋستار جولعا شىعىپ، №77 باعىت قايتا جاڭارىپ، №1 باعىت پەن №201 ماگيسترالدى باعىتى اشىلعان ەدى. كورشى وبلىستان قالاعا قوسىلعان ەلدى مەكەندەردى كولىكپەن تولىق قامتۋ ءۇشىن 10 باعىت اشىلعان بولاتىن.