استاناداعى  پاتەرلەردىڭ كوبى ورتالىقتاندىرىلعان جىلۋ جۇيەسىنە قوسىلعان. سونىڭ وزىندە كەيبىر ۇيلەردەگى اۋا تەمپەراتۋراسى  باسقا پاتەرلەرمەن سالىستىرعاندا تومەن. مۇنىڭ سەبەبىن جانە جوعالعان جىلۋدى قالاي قايتارۋعا بولاتىنى تۋرالى  «استاناەنەرگوسەرۆيس» اق باسپا ءسوز قىزمەتى ايتىپ بەردى، دەپ جازادى Qamshy.kz اقپارات اگەنتتىگى.

«پاتەردىڭ سالقىن بولۋىنا بىرنەشە فاكتور اسەر ەتۋى مۇمكىن. ونىڭ ىشىندەگى ەڭ ءجيى كەزدەسەتىنى جىلۋ يزولياسياسىنىڭ ناشار بولۋى. ماماندار ەڭ الدىمەن ەسىك-تەرەزەلەردى تەكسەرۋ جونىندە كەڭەس بەرەدى. ۇيدەگى جىلۋدىڭ 30-40 پايىزى وسى جەردەن جوعالاتىنىن ەستەن شىعارماۋىمىز قاجەت. ەسىك-تەرەزەسى ساپالى ۇيدە جىلۋ 1،5 ەسە ساقتالادى»، - دەلىنگەن باسپا ءسوز حابارلاماسىندا.

«استاناەنەرگوسەرۆيس» اق-نىڭ حابارلاۋىنشا، كوپقاباتتى پانەلدى ۇيلەردىڭ تۇرعىندارى قابىرعا جاعىنان قيىندىق كورۋى مۇمكىن. اسىرەسە جىلىتۋ باتارەياسى مەن قابىرعا اراسىنداعى كەڭىستىككە كوڭىل ءبولۋ كەرەك. وسى ارالىققا ءبىر قابات جىلۋ شاشاتىن  ماتەريال ورناتۋ كەرەك.

ءۇيدىڭ سالقىن بولۋىنا سەبەپ بولاتىن تاعى ءبىر فاكتور – جىلىتقىشتىڭ جەتكىلىكتى دارەجەدە قىزىماۋى. بۇل جىلىتۋ قۇرىلعىسىنىڭ ىشىنە اۋا نەمەسە قۇرىلىس قوقىسىنىڭ تۇرىپ قالۋىنان بولادى. كەيدە زاۋىتتان شىققان اقاۋ اسەر ەتۋى دە مۇمكىن.

«وسىنداي فاكتورلاردى ەلەمەيتىن تۇرعىندار ماسەلەنى  جىلۋ جەتكىزۋشىلەردەن ىزدەيدى. كەيبىر پاتەردە +30، ونىڭ كورشىسىندە + 15. ال  جىلۋ شىعىنى بارلىق ۇيگە بىردەي بولىنەدى»، - دەيدى كومپانيا ماماندارى.

جىلۋ بەرۋشىلەردىڭ ايتۋىنشا،  كوپ قاباتتى ءۇيدىڭ تۇرعىندارى پاتەرلەرىنىڭ تىم ىستىق ەكەندىگىن دە ايتا بەرمەيدى. ءبىر پاتەردىڭ ىستىق بولۋى  ءۇيدىڭ جىلىنۋىنداعى تەپە-تەڭدىكتىڭ بۇزىلۋىنىڭ بەلگىلەرى. ماسەلەنىڭ الدىن السا، جىلۋ شىعىنى بارلىق تۇرعىنداردا كەميتىن ەدى.

ورتاشا ەسەپپەن استانالىق تۇرعىن ءۇشىن ءبىر شارشى مەتردى جىلىتۋ قۇنى ايىنا 70 تەڭگە بولسا، 60 شارشى مەتر جۇمسالاتىن شىعىن كولەمى 4200 تەڭگە.