اندجەلينا دجولي بۇۇ-نىڭ ارنايى تاپسىرىسىمەن يراقتىڭ سولتۇستىك اۋداندارىنا بارىپ، سوندا حالىقپەن جۇزدەستى. اندجەلينا وسى ساپارى بارىسىندا يراق پەن سيريا ۇكىمەتىنە كوڭىلى تولمايتىنىن، قاراپايىم حالىقتىڭ جاپا شەگىپ جاتقانىنا ءوزىنىڭ قارسى ەكەنىن مالىمدەدى. اتاپ ايتۋ كەرەك اتاقتى ءارتىستىڭ بۇل ساپارنىڭ ونىڭ ومىرىنە اسا ءقاۋىپتى.
اندجەلينا دجولي 2007 جىلدان بەرى قاراي يراققا 5 رەت ساپارلاي بارعان. بۇل رەتكى ساپارى ونىڭ يراقتاعى كورگەن ەڭ ناشار كورىنىسى ەكەنىن ايتتى.
ول ءوز سوزىندە مەملەكەتتىڭ حالىققا دۇرىس قارامايتىنىن ايىپتادى جانە ءوز مىندەتتەرىن اتقارماي وتىرعانىن سوكتى. سونداي-اق، ول الەم حالقىنان ۇيسىز-كۇيسىز يراقتىقتارعا كومەك قولىن سوزۋىن ءوتىندى.
«كوپتەگەن بەيكۇنا جاندار سيريا ۇكىمەتى مەن لاڭكەستەردىڭ تەررورلىق ارەكەتتەرىنەن زارداپ شەكتى، مەملەكەت پەن قوعام بۇل ىستەرگە بەلسەنە ارالاسىپ، كومەك جاساۋى كەرەك» دەدى اندجەلينا دجولي.
اندجەلينا دجولي الدىڭعى رەت يراققا كەلگەندە وسىنداعى 200 مىڭنان استام ادام وزدەرىنىڭ تۋعان جەرلەرىن تاستاپ كەتكەنىن كورگەن-دى. تەررورشىلارعا بارىمتاعا تۇسكەن انا-مەن بالا جايلى ول: «مەن دە ءبىر انا رەتىندە مۇنداي ارەكەتكە توزە المايمىن» دەدى.
ول ءوزىنىڭ كينوداعى اتاق-داڭقى ارقىلى رەسمي ۇكىمەتتىڭ وسى جاعدايلارعا نازار اۋدارىپ، كوز سالۋىنا اسەر ەتكىسى كەلەتىنىن ايتتى.
ونىڭ بۇل ارەكەتىن ءوز اتاعى ءۇشىن جاساپ جاتقان جالعان بەت-بەينەسى دەپ باعالايتىندار دا بار. دەگەنمەن، گولليۆۋد جۇلدىزدارىنىڭ ىشىندە ءوز اتاق-داڭىقتارىن وسىنداي يگى ىستەرگە ارناپ جۇرگەندەرى سيرەك.
