قازاقستان جازۋشىلار وداعىنىڭ مۇشەسى، مادەنيەت سالاسىنىڭ ۇزدىگى، اقىن ەسەنقۇل جاقىپبەكتىڭ «جازعى تاڭدا» جىر جيناعى جارىق كوردى، دەپ حابارلايدى Qamshy.kz اقپارات اگەنتتىگى.

قازاقستاننىڭ تۇركياداعى ەلشىسى ابزال ساپاربەك ۇلىنىڭ قولداۋىمەن اقىننىڭ جىر جيناعى جازۋشى ياكۋب وماروعلى ءتوراعالىق ەتەتىن ەۋرازيا جازۋشىلار قاۋىمداستىعىنا قاراستى «بەنگۋ» باسپاسىنان شىقتى.

ولەڭدەردى تۇرىك تىلىنە اۋدارعان جازۋشى-ديپلومات  مالىك وتاربايەۆ.  رەداكتورى – اقىن اتامان كالەبوزان.

كىتاپتىڭ شىعۋىنا ۇلتتىق سپورت تۇرلەرى قاۋىمداستىعىنىڭ قۇرمەتتى پرەزيدەنتى، گەنەرال-مايور، رۋحانيات جاناشىرى قايرات ساتىبالدى دەمەۋشى بولدى. ۇيلەستىرگەن الماتى وبلىستىق مادەنيەت، ارحيۆ جانە قۇجاتتاما باسقارماسىنىڭ باسشىسى اقان ءابدۋالى، ال قۇراستىرعان قازاقستان جاستار وداعىنىڭ  "سەرپەر" سىيلىعىنىڭ يەگەرى قانشايىم بايداۋلەت.

كىتاپتىڭ تۇساۋكەسەر ءراسىمى 9 اقپان، ساعات 10.30-دا الماتى وبلىسى جامبىل اۋداندىق مادەنيەت ۇيىندە وتەدى. شاراعا قازاقستان ەلشىلىگىنىڭ ديپلوماتى، جازۋشى مالىك وتاربايەۆ، تانىمال تۇرىك اقىنى اتامان كالەبوزان حانىم، ەۋرازيا جازۋشىلار قاۋىمداستىعى وكىلى حۋسەين كالەبوزان بەي ارنايى كەلەدى. سونداي-اق الماتى وبلىسى مادەنيەت، ارحيۆ جانە قۇجاتتاما باسقارماسىنىڭ باسشىسى اقان ءابدۋالىنىڭ، جامبىل اۋدانىنىڭ اكىمى جانداربەك دالابايەۆتىڭ، قازاقستان جازۋشىلار وداعى باسقارماسىنىڭ، زيالى قاۋىم وكىلدەرى مەن ونەر ادامدارىنىڭ قاتىسادى.