12 اقپان «ءوزىن-وزى تانۋ» رۋحاني-ادامگەرشىلىك باعدارلاماسىنىڭ اۆتورى سارا الپىس قىزىنىڭ تۋعان كۇنىندە رەسپۋبليكانىڭ بارلىق ءبىلىم بەرۋ ۇيىمدارىندا وقۋ كۇنىنىڭ ءبىرىنشى جانە ەكىنشى اۋىسىمدارى «ءوزىن-وزى تانۋ» ساباعىمەن باستالادى دەپ حابارلايدى Qamshy.kz اقپارات اگەنتتىگى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
«ءوزىن-وزى تانۋ» رۋحاني-ادامگەرشىلىك باعدارلاماسىنىڭ اۆتورى جانە رۋح بەرۋشى سارا الپىس قىزىنىڭ باستاماسى بويىنشا رەسپۋبليكانىڭ بارلىق وڭىرلەردەگى 71 ءبىلىم بەرۋ ۇيىمدا جالپى وقۋ-تاربيە پروسەسىندە «ءوزىن-وزى تانۋ» رۋحاني-ادامگەرشىلىك ءبىلىم بەرۋ باعدارلاماسىن بىرىكتىرۋ جونىندەگى جوبا جۇزەگە اسىرىلۋدا.
«ءوزىن-وزى تانۋ» باعدارلاماسىن جۇزەگە اسىرۋدىڭ وسى كەزەڭىنىڭ ەرەكشىلىگى «رۋحاني جاڭعىرۋ» قوعامدىق سانانى جاڭعىرتۋعا جانە قازاقستاندىق قوعامدى رۋحاني قايتا وركەندەتۋگە باعىتتالۋىمەن ايقىندالادى.
باعدارلاما وقۋشىلاردىڭ كەڭ اۋقىمدى الەۋمەتتىك رولدەردى، ومىرلىك جانە ءبىلىم بەرۋ ستراتەگيالاردى، ەرەكشە مورالدىق-قۇندىلىق باعدارلارعا باسشىلىق جاساۋدى مەڭگەرۋگە باعىتتالعان جانە وتباسى ينستيتۋتىن نىعايتۋ، قوعامىمىزداعى زورلىق-زومبىلىقتى، سىبايلاس جەمقورلىقتى تۇبەگەيلى جويۋ سياقتى كوكەيكەستى ماسەلەلەردى شەشۋگە مۇمكىندىك بەرەدى.
پىكىر قالدىرۋ