تۇركىمەنستان پرەزيدەنتى 8 ناۋرىزعا قارسى ايەلدەرگە 11 دوللاردان اقشالاي سىيلىق بەرمەكشى. بۇل تۋرالى جەرگىلىكتى ب ا ق حابارلادى.

حالىقارالىق ايەلدەر كۇنىنە وراي پرەزيدەنتتىڭ قارجىلاي سىيلىعى بيىل تۇركىمەنستاننىڭ ورتالىق بانكىنىڭ رەسمي باعامى بويىنشا 40 مانات نەمەسە 11،4 اقش دوللارىن قۇرايدى.

28 اقپاندا ەل پرەزيدەنتى 2018 جىلدىڭ 1-6 ارالىعىندا ايەلدەرگە سالتاناناتتى تۇردە اقشالاي سىيلىق تابىستاۋ تۋرالى بۇيرىققا قول قويدى.

رەسمي ءباسپاسوزدىڭ مالىمەتىنە سۇيەنسەك، سىيلىق كاسىپورىنداردا، مەكەمەلەردە، ءتۇرلى ۇيىمداردا جۇمىس ىستەيتىن، سونداي-اق زەينەتاقى مەن مەملەكەتتىك جاردەماقى الاتىن ايەلدەرگە بەرىلەدى. ستۋدەنتتەر مەن وقۋشىلار دا سىيلىقسىز قالمايدى.

40 مانات كولەمىندەگى پرەزيدەنتتىڭ سىيلىعى ەلدەگى ايەلدەرگە جىل سايىن بەرىلەدى. سىيلىقتى تابىستاۋ ءراسىمى مەملەكەتتىك تەليەۆيدەنيە ارقىلى كورسەتىلەدى.