وتاندىق بيوسابىننىڭ اۆتورلارى ولاردىڭ ويلاپ تاپقانى ءقازىر قولدانىپ جۇرگەن كوپتەگەن سابىننان كەم تۇسپەيتىنىن، ءتىپتى كەيبىر ارتىقشىلاقتارى بار ەكەنىن ايتىپ وتىر. ونىڭ قۇرامىنا ءسۇت، قىمىز، ايران، ۇنتاقتالعان كوفە، شاي تۇنباسى، ءتۇرلى وسىمدىك مايلارى سياقتى تابيعي قوسپالار قوسىلادى ەكەن. ازىرشە سابىننىڭ 25 ءتۇرلى رەسەپتى ازىرلەنىپتى. «قازىردە كوپتەگەن كوسمەتيكالىق زاتتار اللەرگيالىق رەاكسيا تۋعىزادى. ول زاتتاردىڭ قۇرامىنا حيميالىق كومپونەنتتەردى كوپتەپ قوسۋدان بولادى. ءبىز قول مەن بەت تەرىسىنە، دەنەگە پايدالى بولاتىن تابيعي قوسپالاردى تابۋعا تىرىستىق»، - دەيدى ل.يگناتوۆا. ونىڭ ايتۋىنشا، سابىن ءوندىرىسى ءالى اسا كولەمدى تابىس اكەلمەپتى. رەسەپتى ازىرلەۋشىلەر ازىرشە قاجەتتى قوسپالاردى قوتارا ساتىپ الۋ ءۇشىن دەمەۋشىلىك كومەك ىزدەۋدە. ال ءقازىر ستۋدەنتتەردىڭ سابىنى قۇرامىنا قاراي 300-700 تەڭگە ارالىعىندا ساۋدالانىپ جاتىر ەكەن.