مامىردىڭ 16-18ء-ى كۇندەرى ارالىعىندا قىزىلوردادا قازاقستاننىڭ ەڭبەك سىڭىرگەن قايراتكەرى، انشى-كومپوزيتور باتىرحان شۇكەنوۆتى ەسكە الۋعا ارنالعان  «وتان-انا» ءىى رەسپۋبليكالىق انشىلەر كونكۋرسى وتەدى. استانا قالاسىنىڭ 20 جىلدىعى مەن قىزىلوردانىڭ 200 جىلدىعىنا تۇسپا-تۇس كەلگەن بۇل بايقاۋدى قىزىلوردا وبلىسى اكىمدىگى قولداپ وتىر.

رەسپۋبليكالىق بايقاۋعا 18-30 جاس ارالىعىنداعى انشىلەر قاتىسا الادى. قاتىسۋشىلاردىڭ ونەر كورسەتۋ رەتتىلىگى الدىن-الا جەرەبە تاڭداۋ ارقىلى انىقتالادى. بايقاۋدىڭ باستى ەرەكشەلىگى  انشىلەرگە مينۋسوۆكادا بەك-ۆوكالدى قولدانۋعا رۇقسات بەرىلمەيدى. كونكۋرستىڭ ءبىرىنشى كەزەڭىندە تالاپكەر  ەركىن تاقىرىپتاعى  ءاندى  فونوگراممامەن  (مينۋس-1) ورىنداسا، ءىى كەزەڭدە ب.شۇكەنوۆتىڭ ءانىن  ينسترۋمەنتالدى ءانسامبلدىڭ سۇيەمەلدەۋىمەن ايتۋى ءتيىس. قاتىسۋشىلاردىڭ ونەرىن باعالايتىن قازىلار القاسىنىڭ قۇرامىندا بەلگىلى كاسىبي مۋزىكانتتار، كومپوزيتورلار، وڭدەۋشىلەر مەن مادەنيەت جانە ونەر قايراتكەرلەرى بولادى. رەسەيدەن تانىمال مۋزىكانتتار مەن بەلگىلى تۇلعالار ارنايى قوناققا كەلمەك.

كونكۋرستى ۇيىمداستىرۋشى: قىزىلوردا وبلىسى مادەنيەت، ارحيۆتەر جانە قۇجاتتاما باسقارماسى جانە «تاڭداۋ» پروديۋسەرلىك ورتالىعى.

كونكۋرسقا قاتىسۋ تۋرالى وتىنىمدەردى 2018 جىلدىڭ 20 ساۋىرىنە دەيىن الماتى قالاسىنداعى «تاڭداۋ» پروديۋسەرلىك ورتالىعى مەن  قىزىلوردا وبلىستىق حالىق شىعارماشىلىعىن دامىتۋ جانە مادەني-پروديۋسەرلىك ورتالىعىنا جىبەرۋ كەرەك.

قىزىلوردا قالاسى، قورقىت اتا كوشەسى، 78. وبلىستىق حالىق شىعارماشىلىعىن  دامىتۋ جانە مادەني-پروديۋسەرلىك ورتالىعى، 8/7242/ 27-76-33،  27-26-56، + 7 705 863 80 70، +7 702 914 14 34، email:  zhdclub@mail.ru

«تاڭداۋ» پروديۋسەرلىك ورتالىعى، تەل: 8(7273 ) 78-91-04، +7 701 949 19 33، +7 701 111 20 99 email: otan_ana_2018@mail.ru  

18-مامىر كونكۋرس تالاپكەرلەرىنىڭ قاتىسۋىمەن اشىق اسپان استىندا باتىرحان شوكەنوۆتى ەسكە الۋعا ارنالعان گالا-كونسەرت بولادى. ءدال وسى كۇنى باتىرحان شۇكەنوۆتىڭ ەسكەرتكىشى قويىلىپ، اس بەرىلەدى. سونىمەن قاتار، ونەرپازدار تال وتىرعىزىپ، قالانى كوگالداندىرۋ جۇمىستارىنا اتسالىسادى. بايقاۋ تۇڭعىش رەت 2016 جىلى ءوتىپ، وعان 27 ونەرپاز قاتىسقان ەدى.