الماتىدا «جاس عالىم» حالىقارالىق كونفەرەنسياسى ءوتتى.

الماتىدا جاس عالىمداردىڭ تالانتىن اشىپ، شىعارماشىلىعىن شىڭدايتىن حالىقارالىق جيىن ءوتتى. الەمنىڭ التى مەملەكەتىنەن كەلگەن پروفەسسورلار تاجىريبەلەرىمەن ءبولىسىپ، قازاقستاندىق ستۋدەنتتەردىڭ قابىلەتتەرىن باقىلاپ كوردى. وسىمەن بەسىنشى رەت ۇيىمداستىرىلىپ وتىرعان كونفەرەنسيا «رۋحاني جاڭعىرۋ» باعدارلاماسى اياسىندا ءوتىپ وتىر.

«جاس عالىم» حالىقارالىق  كونفەرەنسياسىنا ەلىمىزدىڭ ىزدەنىمپاز جاستارى مەن ولاردىڭ عىلىمي جەتەكشىلەرى قاتىستى. سونىمەن قاتار، قىرعىز، وزبەكستان، شوتلانديا، ۇلىبريتانيا، اقش جانە پولشادان كەلگەن پروفەسسورلار ارنايى شاقىرىلعان. ولار قازاقستاندىق  جاس عالىمدارعا 1 اپتا بويى ترەنينگ وتكىزگەن. ۇيىمداستىرۋشىلاردىڭ سوزىنشە، باسەكەگە قابىلەتتى 30 ەلدىڭ قاتارىنا جىلدام قوسىلۋ ءۇشىن شەتەلدىك مامانداردىڭ تاجىريبەلەرىن قولدانۋ  وتە ماڭىزدى. بۇل ءبىر جاعىنان ادامي كاپيتالدى دامىتۋعا زور مۇمكىندىك بەرەدى.

«مىسالى، سىزدە تانىمال، جاقسى عالىم بولۋ ءۇشىن ول كىسىدە ءبىر ستراتەگيالىق جوسپار بولۋ كەرەك. سوندىقتان وسىنداي بۇگىن تاقىرىپتاردى ءبىزدىڭ جاس عالىمدارعا ۇيرەتىپ جاتىر شەتەلدەن كەلگەن ارىپتەستەرىمىز. ولاردىڭ بۇل ورايدا تاجىريبەلەرى وتە ۇلكەن. سوندىقتان ءبىز وسىنداي كونگرەسسىمىزدىڭ جاس عالىمدارىمىزدىڭ دامۋىنا وتە ۇلكەن ۇلەس قوسادى دەگەن سەنىمىمىز مول»، - دەدى الماتى قالاسى ەۋرازيا تەحنولوگيا ۋنيۆەرسيتەتىنىڭ رەكتورى جانار تەمىربەكوۆا.

جيىندا شەتەلدىك پروفەسسورلار ءوز باياندامالارىن وقىپ، عىلىمي جوبانى قالاي جاساۋ كەرەكتىگىن ستۋدەنتتەرگە ايتتى. ودان بولەك، ونەرتاپقىشتارعا تەك تابىستى ويلاماۋ كەرەكتىگىن ءتۇسىندىردى. كەرىسىنشە، قوعامعا پايداسى بار جوبالاردى ىسكە اسىرۋعا تالپىنۋ قاجەت دەيدى. 

«قازاقستاندىق ستۋدەنتتەردىڭ اياق الىسى جامان ەمەس. مۇندا جاس عالىمدار بىر-بىرىمەن جارىسا وقيدى. ءتۇرلى جاڭاشىلدىق اشىپ، قوعامعا پايداسى بار جوبالاردى اشقىلارى كەلەدى. سوندىقتان بىزدە ۇيرەنەمىن دەپ تۇرعان ادامعا تاجىريبەمىزبەن بولىسكەندى ءجون كوردىك»، - دەدى پروفەسسور رافيز ابازوۆ (اقش).

ەلباسىنىڭ «رۋحاني جاڭعىرۋ» ماقالاسىندا جازىلعانداي، جاھاندىق نارىقتا ساپاسى جونىنەن وزگەلەردەن ۇتىمدى دۇنيە ۇسىنۋدى ۇيرەنۋ كەرەك، دەيدى عالىمدار. كونفەرەنسياعا كەلگەن قوناقتار قانداي سالادا عىلىمي زەرتتەۋ جاساۋ كەرەكتىگىمەن ءبولىستى.

«وسى كۇنى الەم عالىمدارى جاڭارتىلاتىن قۋات كوزدەرىن پايدالانۋ جولىندا ەڭبەك ەتىپ جاتىر. قازاقستان مۇناي مەن كومىرگە باي مەملەكەت. ءبىراق ودان دا باس تارتاتىن كەز كەلەدى. قازاقستاندىق جاس عالىمدار جاڭارتىلاتىن قۋات كوزىن قولداناتىن جاڭا جوبالار جاساۋ كەرەك»، - دەدى ابەرتەي ۋنيۆەرسيتەتىنىڭ اعا وقىتۋشىسى نيكولاي مۋراۆيەۆ (شوتلانديا).

«جاس عالىم» حالىقارالىق كونفەرەنسياعا ەلىمىزدىڭ 20 ۋنيۆەرسيتەتىنەن ستۋدەنتتەر قاتىستى. جيىندا وزدەرىنىڭ باياندامالارىن وقىدى. ەڭ قىزىقتى دەگەن ەڭبەككە ماقتاۋ قاعازدارى تابىستالدى. ەسكە سالايىق، عالىمداردىڭ باس قوسۋى وسىمەن 5ء-شى رەت ۇيىمداستىرىلىپ وتىر. بيىلعى شارا «رۋحاني جاڭعىرۋ» باعدارلاماسى ۇيىمداستىرىلعان.