«ادال جول» سىبايلاس جەمقورلىققا قارسى مارافونى الماتىلىق جاستاردى جينادى.

پاراسىز بولاشاق. «ادال جول» سىبايلاس جەمقورلىققا قارسى مارافونى مىڭداعان الماتىلىق جاستاردى جينادى. باستى ماقسات - قوعام دەرتىنە اينالعان جەمقورلىقتان جيرەنۋ. «ادال جول» كىتابى قالاداعى سەگىز اۋدان بويىنشا ءجۇرىپ ءوتتى. شارا 8 اي كولەمىندە جالعاسىن تاۋىپ، جەلتوقساندا قورىتىندىلانادى.

الماتىلىقتار جەمقورلىققا قارسى. ۇيىمداستىرىلعان ەستافەتا وسىعان دالەل. قالانىڭ سەگىز اۋدانىندا وتكەن شارا مىڭداعان ازاماتتى جينادى. مەدەۋ اۋدانىن باستاۋ العان مارافونعا كەلگەن جاستاردىڭ قاراسى كوپ بولدى. جاۋاپتىلار وسكەلەڭ ۇرپاقتى جاستايىنان جەمقورلىققا جيرەنە قاراۋعا ۇيرەتسەك، قوعام دەرتىنە اينالعان كەسەلدى تۇبىمەن جويۋعا بولاتىنىنا سەنىمدى.

«مارافون قالامىزدىڭ ءار اۋدانىندا وتەدى. ءار ايدا ءار اۋدان وسىنداي ءىس-شارالار وتكىزىپ، حالىقتى بىرىكتىرىپ، حالىققا ءتۇسىندىرىپ، ەستافەتانى كەلەسى اۋدانعا تاپسىرادى. جانە وسى اكسيا، بۇل مارافون سەگىز اي جۇرەدى بيىل»، - دەدى الماتى قالاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى ايگۇل بايحانوۆا.

ەستافەتانى جەتىسۋلىقتار قابىلداپ الدى. كونسەرتتىك باعدارلاما ۇيىمداستىرىلىپ، جاستار پاراقورلىققا دەگەن ءوز كوزقاراستارىن ءبىلدىردى. «ادال جول» كىتابى ءار اۋدان وكىلدەرىنە تابىستالىپ جالعاسىن تاپتى.

ەل كولەمىندە ۇيىمداستىرىلعان بىرەگەي اكسيا 9 جەلتوقساندا قورىتىندىلانادى. ال ازىرگە «ادال جول» كىتابىنا كەز كەلگەن الماتىلىق ءوز ۇسىنىستارى مەن تىلەكتەرىن قالدىرا الادى.

ءىس-شارانىڭ ماقساتى – حالىقتىڭ سىبايلاس جەمقورلىققا قارسى مادەنيەت دەڭگەيىن قالىپتاستىرۋ، وبلىستىڭ بارلىق وڭىرلەرىندە وتكەن «ادال جول – چەستنىي پۋت» سىبايلاس جەمقورلىققا قارسى مارافونىنىڭ قورىتىندىلارىن شىعارۋ. مارافونعا قاتىسۋشىلار وزدەرىنىڭ فوتوسۋرەتتەرى مەن يگى تىلەكتەرىن ەستەلىك رەتىندە قالدىرعان كىتاپ مارافوننىڭ وزىندىك سيمۆولىنا اينالدى.

اتالمىش مارافون ماقساتى – قوعامدا سىبايلاس جەمقورلىققا قارسى مادەنيەتتى قالىپتاستىرۋ جانە جاھاندىق جاعدايدا ەلىمىزدى دامىتا ءتۇسۋ ءۇشىن جاستاردىڭ جىگەر، قۋاتىن بىرىكتىرۋ بولىپ وتىر. 

مارافون شەڭبەرىندە وبلىستا لەكسيالار، پىكىرتالاستار، دوڭگەلەك ۇستەلدەر، كەزدەسۋلەر، كونفەرەنسيالار، اۆتوشەرۋلەر جانە وزگە دە شارالار وتپەك. ءار اۋدان جەمقورلىققا قارسى ارەكەتتەر جاساپ، حالىقتى جەمقورلىققا قارسى تۇرۋدا كۇش بىرىكتىرۋگە شاقىرماق. ەستافەتا الاۋى رەتىندە ونىڭ تۋى مەن وتكىزىلگەن ءىس-شارالار تۋرالى اقپارات پەن تىلەكتەر جازىلعان كىتاپ بەرىلەدى.