وعىز دوعان قازاق تىلىندە قىزمەت كورسەتۋدەن باس تارتقان Qazkom بانكىنىڭ بولىمشەسىمەن سوتتاسپاق. ول ءوزىنىڭ الەۋمەتتىك جەلىدەگى پاراقشاسىندا قولدانۋشالاردى Qazkom بانكىنە شاعىم تۇسىرۋگە شاقىردى. 

«قۇرمەتتى اعايىن، سىزدەردى قازكوم كومپانياسىنىڭ تەگىن 7111 نومىرىنە قوڭىراۋ شالىپ، 0ء-دى باسىپ، استانا/سارىارقا فيليالىندا بۇگىن بولعان وقيعاعا بايلانىستى شاعىم تۇسىرۋگە شاقىرامىن!!!

بانك قىزمەتكەرىمەن سويلەسكەن كەزدە فيليال قىزمەتكەرلەرىنىڭ قازاق تىلىندە قىزمەت كورسەتۋدەن باس تارتقانىن جانە كليەنتكە دورەكىلىك كورسەتىپ مەكەمەدەن قۋىپ شىعارعانىن ايتۋدى ۇمىتپاڭىزدار!..

قازاق حالقىنان كەشىرىم سۇراسىن! ايتپەسە ەير استانا سياقتى ولاردى دا حالقىمنىڭ الدىندا تىزە بۇكتىرەمىن!»، دەپ جازدى وعىز دوعان ءوزىنىڭ جەكە پاراقشاسىنا.

ەسكە سالا كەتەيىك، وعىز دوعان Air Astana اۋە كومپانياسىنىڭ قىزمەتكەرلەرىن قازاق تىلىندە سويلەمەگەندەرى ءۇشىن سوتقا بەرىپ، سوتتا جەڭىپ شىققان بولاتىن.