جۋىردا ورال قالاسىنداعى وڭىرلىك كوممۋنيكاسيالار قىزمەتى الاڭىندا وبلىستىڭ تۇرعىن ۇي-كوممۋنالدىق شارۋاشىلىعى سالاسىنىڭ بۇگىنگى جاي-كۇيى مەن دامۋ مۇمكىندىكتەرى تالقىلانعان جيىن ءوتتى. باسقوسۋعا وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىنىڭ باسشىسى عالىم ورىنعالييەۆ جانە «جايىقجىلۋقۋات» اق باس ديرەكتورى مۇرات بايمەنوۆ قاتىستى. 

وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىعى باسقارماسىنىڭ باسشىسى عالىم ورىنعالييەۆتىڭ بەرگەن مالىمەتى بويىنشا باسقارمانىڭ 2017 جىلعى بيۋدجەتى 8،9 ملرد. تەڭگەنى (رەسپۋبليكالىق جانە جەرگىلىكتى بيۋدجەت ەسەبىنەن) قۇراعان. بولىنگەن قاراجات اۋىلدىق ەلدى مەكەندەردى گازداندىرۋعا، «نۇرلى جول» مەملەكەتتىك باعدارلاماسىن جۇزەگە اسىرۋعا، اۋىز سۋمەن قامتاماسىز ەتۋ قۇنىن سۋبسيديالاۋعا جانە باسقا دا ماقساتتارعا باعىتتالعان. 2018 جىلعا باسقارما بيۋدجەتى 4،2 ملرد. تەڭگە كولەمىندە بەكىتىلدى. كۇنى بۇگىن وبلىستا جىلىتۋ ماۋسىمى شتاتتىق رەجىمدە وتۋدە. الەۋمەتتىك نىساندار قاتتى جانە سۇيىق وتىنمەن قامتاماسىز ەتىلگەن. «جايىقجىلۋقۋات» اق رەزەرۆىندە 1 215 توننا مازۋت بار. كەلەسى جىلى وبلىستىڭ ەلدى مەكەندەرىن گازداندىرۋ اياسىندا الەۋمەتتىك باعىتتاعى 127 نىساندى كوگىلدىر وتىنمەن جىلىتۋعا اۋىستىرۋ جوسپارلانۋدا. سونىمەن قاتار بارلىق كوممۋنالدىق كاسىپورىندار اپاتتى-تەحنيكالىق بريگادالارمەن جابدىقتالىپ، ماتەريالدىق رەسۋرستار رەزەرۆى قۇرىلدى. 2018 جىلى ەلدى مەكەندەردى گازداندىرۋعا بيۋدجەتتەن 1،464 ملرد. تەڭگە ءبولىندى (رەسپۋبليكالىق بيۋدجەت – 1،357 ملرد. تەڭگە، وبلىستىق بيۋدجەت – 0،107 ملرد. تەڭگە). بولىنگەن قارجىعا 9،7 مىڭ تۇرعىنى بار 24 ەلدى مەكەندى تابيعي گازعا قوسۋ جوسپارلانۋدا. ولار بوكەي ورداسى اۋدانىنداعى جيەكقۇم، جامبىل، كوكتەرەك، ءبورلى، تەرەڭقۇدىق، كەڭوي، ۇيالى، سارالجىن، شوڭاي، سەيىتقالي، تايعارا اۋىلدارى، اقجايىق اۋدانىنداعى جاڭاجول، تەگىسجول، جامبىل، بىتىك، ۇشتوبە، سارمان، بيتىلەۋ، توعان، قاراعاي، اقبۇلاق، ەسكى ەسىم اۋىلدارى، جانىبەك اۋدانىنداعى ونەگە  اۋىلى جانە زەلەنوۆ اۋدانىنداعى فاكەل اۋىلى. اعىمداعى جىلدىڭ قورىتىندىسى بويىنشا وبلىس حالقىنىڭ گازبەن قامتىلۋ كورسەتكىشىن 95،4% نەمەسە 612،3 مىڭ ادامعا كوتەرۋ جوسپارلانۋدا. سونىمەن قاتار 2018 جىلى 4،4 مىڭ تۇرعىنى بار 14 ەلدى مەكەندى گازداندىرۋ ءۇشىن قۇرىلىس جۇمىستارى باستالدى. ولار قازتالوۆ اۋدانىنىڭ  كىشكەنە شال، تالدىقۇدىق، كىشى تالدىقۇدىق، بەيىستەرەك، كومەكشى، كوكتەرەك، ورازعالي، جۇلدىز، سەرىك، سارىقۇدىق، قايشاقۇدىق، تالدىاپان، قوسوبا اۋىلدارى؛ زەلەنوۆ اۋدانىنىڭ فاكەل اۋىلى. بۇل نىساندارداعى قۇرىلىس 2018-2019 جىلى اياقتالماق. سونداي-اق اعىمداعى جىلى  قازتالوۆ اۋدانىنىڭ 15 ەلدى مەكەنىن گازداندىرۋعا جسق جاساقتاۋ ءۇشىن وبلىستىق بيۋدجەتتەن 7 ملن. تەڭگە ءبولىندى (جالپى قۇنى – 101،0 ملن. تەڭگە). قۇرىلىس مەرزىمىنىڭ ۋاقىتى 2019-2021 جىلدار ارالىعىندا.

بريفينگتە ءسوز العان «جايىقجىلۋقۋات» اق باس ديرەكتورى مۇرات بايمەنوۆ بيىلعى جىلىتۋ ماۋسىمىنىڭ ەش اپاتسىز تىنىش وتكەندىگىن اتاپ ءوتتى.